जलयुक्त पेट्रोलमुळे वाहनधारकांची त्रेधातिरपीट; पेट्रोल पंप बंद

वर्धा : जिल्ह्यात गेल्या काही दिवसांपासून सुरू असलेल्या पावसाचा फटका वाहनधारकांनाही बसतो आहे. जलयुक्त पेट्रोल भरले गेल्याने चार चाकी वाहने बंद पडताहेत. यामुळे काही पेट्रोल पंप बंद ठेवण्यात आले आहेत. जिल्ह्यात मुसळधार पावसाची झळ सर्वांनाच बसत आहे. मात्र टणक सुरक्षा कवच असलेल्या पेट्रोलच्या टाकीलाही मुसळधार छेदून जाईल, अशी अपेक्षाही कुणी केली नसेल.