आपण लवकरच सत्तेत असू आणि आपली कामं आता ५० टक्के नाही तर १०० टक्के पूर्ण होतील असा विश्वास महाराष्ट्र नवनिर्माण विद्यार्थी सेनेचे अध्यक्ष अमित ठाकरे यांनी व्यक्त केला आहे. महाराष्ट्र नवनिर्माण सेनेचा कामगार मेळावा आज मुंबईत पार पडला. त्यावेळी बोलत असताना अमित ठाकरेंनी हा विश्वास व्यक्त केला आहे. काही दिवसांपूर्वीच राज ठाकरेंनी आपल्या भाषणात हे मळभ लवकरच दूर होईल आणि आपण सत्तेत असू असं म्हटलं होतं. त्यानंतर आता अमित ठाकरेंनीही याच प्रकारचं वक्तव्य केलं आहे जे चांगलंच चर्चेत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

कामगार मेळाव्यात नेमकं काय म्हणाले अमित ठाकरे?

“आज आपण कामगार सेनेची ताकद बघायला आलो आहे. तुम्ही उगाच माझं नाव घेता. जे काही आहे ते सगळे तुमचे सगळ्यांचे कष्ट आहेत. तुम्ही म्हणता की ५० टक्के कामं होतात काही कामं होत नाहीत. पण खात्री बाळगा आपण लवकरच सत्तेत असू, आपली १०० टक्के कामं पूर्ण होतील असा मला पूर्ण विश्वास आहे.” असा विश्वास अमित ठाकरेंनी व्यक्त केला आहे.

आणखी वाचा

शर्मिला ठाकरेंचं वक्तव्यही चर्चेत

कामगार मेळाव्यात शर्मिला ठाकरेही आल्या होत्या. त्या म्हणाल्या की, “अमित राजकारणात आल्यापासून मी आळशी झाली आहे. मी आज इथे येणार नव्हते, पण मी फक्त तुमच्यासाठी इथे आले आहे. कामगार कपात सुरु झाली. त्यात आपण कामगारांना न्याय देत आहोत. तुमच्या सगळ्यांच्या कामाचं कौतुक करण्यासाठी मी इथे आले आहे. पुढच्या वर्षी मात्र मी येणार नाही कारण आज जो माईक माझ्या हातात आहे तो पुढच्या वर्षी अमितच्या हातात गेला पाहिजे. आपलं काम खूप चांगलं चाललं आहे. कठीण काळात कामगारांना न्याय मिळवून दिला जातो आहे. कामगारांच्या हिताची कामं होत आहेत त्यामुळे युनिट वाढले आहेत. ” असंही शर्मिला ठाकरेंनी म्हटलं आहे.

बाळा नांदगावकर यांनी काय म्हटलं आहे?

“सध्याच्या राजकारणात कुस्त्या सुरू आहेत. उद्धव ठाकरेंची कुस्ती एकनाथ शिंदेंसोबत सुरू आहेत. तर फडणवीसांसोबतही ही कुस्ती सुरू आहे. संजय राऊत विरूद्ध नितेश राणे अशी कुस्ती सुरु आहे. अजित पवार यांची घरातच कुस्ती सुरू आहे. बारसूमध्येही कुस्ती सुरु आहे. कोण कोणाला पाठिंबा देतंय आणि कोण कुणाच्या विरोधात आहे हेच कळत नाही. राज ठाकरेंचीही या कुस्तीत एंट्री होईल” असं म्हणत बाळा नांदगावकर यांनी सूचक वक्तव्य केलं आहे.

कामगार मेळाव्यात नेमकं काय म्हणाले अमित ठाकरे?

“आज आपण कामगार सेनेची ताकद बघायला आलो आहे. तुम्ही उगाच माझं नाव घेता. जे काही आहे ते सगळे तुमचे सगळ्यांचे कष्ट आहेत. तुम्ही म्हणता की ५० टक्के कामं होतात काही कामं होत नाहीत. पण खात्री बाळगा आपण लवकरच सत्तेत असू, आपली १०० टक्के कामं पूर्ण होतील असा मला पूर्ण विश्वास आहे.” असा विश्वास अमित ठाकरेंनी व्यक्त केला आहे.

आणखी वाचा

शर्मिला ठाकरेंचं वक्तव्यही चर्चेत

कामगार मेळाव्यात शर्मिला ठाकरेही आल्या होत्या. त्या म्हणाल्या की, “अमित राजकारणात आल्यापासून मी आळशी झाली आहे. मी आज इथे येणार नव्हते, पण मी फक्त तुमच्यासाठी इथे आले आहे. कामगार कपात सुरु झाली. त्यात आपण कामगारांना न्याय देत आहोत. तुमच्या सगळ्यांच्या कामाचं कौतुक करण्यासाठी मी इथे आले आहे. पुढच्या वर्षी मात्र मी येणार नाही कारण आज जो माईक माझ्या हातात आहे तो पुढच्या वर्षी अमितच्या हातात गेला पाहिजे. आपलं काम खूप चांगलं चाललं आहे. कठीण काळात कामगारांना न्याय मिळवून दिला जातो आहे. कामगारांच्या हिताची कामं होत आहेत त्यामुळे युनिट वाढले आहेत. ” असंही शर्मिला ठाकरेंनी म्हटलं आहे.

बाळा नांदगावकर यांनी काय म्हटलं आहे?

“सध्याच्या राजकारणात कुस्त्या सुरू आहेत. उद्धव ठाकरेंची कुस्ती एकनाथ शिंदेंसोबत सुरू आहेत. तर फडणवीसांसोबतही ही कुस्ती सुरू आहे. संजय राऊत विरूद्ध नितेश राणे अशी कुस्ती सुरु आहे. अजित पवार यांची घरातच कुस्ती सुरू आहे. बारसूमध्येही कुस्ती सुरु आहे. कोण कोणाला पाठिंबा देतंय आणि कोण कुणाच्या विरोधात आहे हेच कळत नाही. राज ठाकरेंचीही या कुस्तीत एंट्री होईल” असं म्हणत बाळा नांदगावकर यांनी सूचक वक्तव्य केलं आहे.