कराड: अजित पवारांना आपल्यासमवेत काम करायचे होते की नाही हा त्यांचाच व्यक्तिगत प्रश्न होता. ही त्यांची वैयक्तिक बाब असल्याने आपण त्यावर बोलणार नसल्याचे माजी मुख्यमंत्री पृथ्वीराज चव्हाण यांनी ‘लोकसत्ता’शी बोलताना सांगितले.
राज्य सरकारमध्ये सन २०१० ते २०१४ या कालावधीत पृथ्वीराज चव्हाण मुख्यमंत्री असताना त्यांच्यासमवेत चार वर्षे वरिष्ठांच्या सांगण्यावरून नाईलाजाने काम करावे लागल्याची अजित पवारांनी व्यक्त केलेली खदखद आत्ताच कशी व्यक्त झाली असा काँग्रेसजनांचा प्रश्न आहे. त्यातून राष्ट्रावादी काँग्रेस आणि विशेषतः अजित पवारांबद्दलच्या काँग्रेस नेत्यांच्या संतापाला मोकळी वाट झाल्याचे दिसू लागले आहे.
अजित पवारांच्या या टिप्पणीवर काँग्रेसचे प्रदेशाध्यक्ष नाना पटोले यांनी लगेचच कोरडे ओढले आहेत. तर, राष्ट्रवादी काँग्रेसमधील या दादांच्या वक्तव्यावर पृथ्वीराजबाबांनी सडेतोड भाष्य करावे अशी काँग्रेस नेत्यांची व कार्यकर्त्यांची अपेक्षा आहे. परंतु, मित्रपक्ष असलेल्या राष्ट्रवादी काँग्रेस व विशेषतः अजित पवारांवर पृथ्वीराज चव्हाण बोलतात कमी आणि कृती अधिक करतात याचे प्रत्यंतर आजही आले. त्यामुळे पृथ्वीराज चव्हाण आणि राष्ट्रवादी काँग्रेसमधील जुना संघर्ष तूर्तास टळल्याचे म्हणावे लागत आहे.
राज्य सरकारमध्ये सन २०१० ते २०१४ या कालावधीत पृथ्वीराज चव्हाण मुख्यमंत्री असताना त्यांच्यासमवेत चार वर्षे वरिष्ठांच्या सांगण्यावरून नाईलाजाने काम करावे लागल्याची अजित पवारांनी व्यक्त केलेली खदखद आत्ताच कशी व्यक्त झाली असा काँग्रेसजनांचा प्रश्न आहे. त्यातून राष्ट्रावादी काँग्रेस आणि विशेषतः अजित पवारांबद्दलच्या काँग्रेस नेत्यांच्या संतापाला मोकळी वाट झाल्याचे दिसू लागले आहे.
अजित पवारांच्या या टिप्पणीवर काँग्रेसचे प्रदेशाध्यक्ष नाना पटोले यांनी लगेचच कोरडे ओढले आहेत. तर, राष्ट्रवादी काँग्रेसमधील या दादांच्या वक्तव्यावर पृथ्वीराजबाबांनी सडेतोड भाष्य करावे अशी काँग्रेस नेत्यांची व कार्यकर्त्यांची अपेक्षा आहे. परंतु, मित्रपक्ष असलेल्या राष्ट्रवादी काँग्रेस व विशेषतः अजित पवारांवर पृथ्वीराज चव्हाण बोलतात कमी आणि कृती अधिक करतात याचे प्रत्यंतर आजही आले. त्यामुळे पृथ्वीराज चव्हाण आणि राष्ट्रवादी काँग्रेसमधील जुना संघर्ष तूर्तास टळल्याचे म्हणावे लागत आहे.
