"मी हिंदुत्व सोडलं म्हणता, मोहन भागवत मशिदीत जाताना काय सोडतात?" उद्धव ठाकरेंचा थेट प्रश्न|When you say I have left Hinduism, what does Mohan Bhagwat leave behind when he goes to the mosque? Asks Uddhav Thackeray

भाजपाकडून कायमच उद्धव ठाकरेंनी हिंदुत्व सोडल्याची टीका होते. त्याचा उच्चार करत आज उद्धव ठाकरे यांनी भाजपाला आणि संघाला थेट प्रश्न केला आहे.

Uddhav Thackeray Criticized Mohan Bhagawat

माझं हिंदुत्व हे गोमुत्रधारी हिंदुत्व नाही असंही उद्धव ठाकरेंनी म्हटलं आहे.

महाविकास आघाडीच्या वज्रमूठ सभेत शिवसेना उद्धव बाळासाहेब ठाकरे या पक्षाचे पक्ष प्रमुख आणि माजी मुख्यमंत्री उद्धव ठाकरे यांनी एकनाथ शिंदे यांचा उल्लेख मिंधे असा केला आहे. तसंच भाजपाला संघालाही त्यांनी खडे बोल सुनावले आहे. मी जर काँग्रेस-राष्ट्रवादीसोबत गेलो तर माझ्यावर हिंदुत्व सोडल्याची टीका केली जाते. सरसंघचालक मोहन भागवत हे जेव्हा मशिदीत जातात तेव्हा ते काय सोडतात? असा थेट प्रश्न उद्धव ठाकरेंनी विचारला आहे. यावरुन आता नवा वाद निर्माण होण्याची शक्यता आहे.

नेमकं काय म्हणाले आहेत उद्धव ठाकरे?

“उद्धव ठाकरे जर काँग्रेस-राष्ट्रवादीसोबत गेला तर मी हिंदुत्व सोडलं, मग मोहन भागवत जेव्हा मशिदीत जातात तेव्हा ते काय सोडतात? मी उद्या मशिदीत गेलो तर किती बोंबाबोंब करतील? पण सरसंघचालक जे बोलतात ते हिंदुत्व. अरे आधी तुमच्या हिंदुत्वाचा शेंडा, बुडखा, आकार काहीतरी ठरवा. आधी तो समजून घ्या आणि मग बोंबाबोंब करा. पण आता आपल्याला यातून सगळ्यांना शहाणं व्हायचं आहे. आज या सभेत काँग्रेसचा झेंडा आहे, राष्ट्रवादीचा झेंडा आणि आपल्या शिवसेनेचा भगवा झेंडा आहे. वज्रमुठीत आपल्याला भगवा झेंडा मजबुतीने धरायचा आहे आणि या भगव्याला जो डाग लावण्याचा प्रयत्न यांनी केला आहे तो आपल्याला साफ करुन छत्रपती शिवरायांचा भगवा आपल्याला उंच फडकवत ठेवायचा आहे.” असंही आवाहन या सभेत उद्धव ठाकरेंनी केलं.

आणखी वाचा

Uddhav Thackeray: “पंकजाताई मुंडे तुझे धन्यवाद…”, उद्धव ठाकरेंनी केलं कौतुक; म्हणाले, ‘तुम्ही महाराष्ट्राच्या डोळ्यावरची पट्टी काढली’

Sushma Andhare : “माझी प्रिय भावजय” म्हणत सुषमा…

What Uddhav Thackeray Said About Raj Thackeray ?

Uddhav Thackeray : “राज ठाकरेंशी युती करणं शक्यच नाही, महाराष्ट्र द्रोही..”, उद्धव ठाकरेंचं वक्तव्य

uddhav thackeray replied to devendra fadnavis dharmayudhha criticism

“आधी स्वत:चं जॅकेट सांभाळा, मग धर्मयुद्ध करा”, उद्धव ठाकरेंचा देवेंद्र फडणवीसांना टोला!

काँग्रेसबरोबर युती करण्यावरून राज ठाकरेंची पुन्हा उद्धव ठाकरेंवर सडकून टीका; म्हणाले, “मी, माझा स्वार्थ, माझी खुर्ची अन्…”

Raj Thackeray : “रमेश वांजळे शेवटचं माझ्याशी बोलले”, राज ठाकरेंनी सांगितली आठवण; म्हणाले, “अनेक जण सोडून गेले, पण…”

Uddhav Thackeray on Ram Mandir : “राम मंदिर गळनेका थांबेगा तो…”, उद्धव ठाकरेंच्या वक्तव्यामुळे एकच हशा!

Uddhav Thackeray : उद्धव ठाकरेंची खोचक शब्दांत टीका, “महायुतीला मत म्हणजे गुजरातला मत, कारण..”

आज तर नुसती सुरुवात झाली आहे. महाराष्ट्राची अवहेलना आणि मुंबईचं वस्रहरण थांबवायचं असेल तर आपल्या वज्रमुठीचा ठोसा असा मारा की महापालिका निवडणूक असो की विधानसभा निवडणूक किंवा लोकसभा येऊ द्या. या तिन्ही निवडणुकांमध्ये तुम्हाला भुईसपाट केल्याशिवाय राहणार नाही आणि अमित शाह यांना सांगतो की जमीन दाखवणं काय असतं ते तुम्हाला माझा महाराष्ट्रातला माणूस दाखवल्याशिवाय राहणार नाही असं म्हणत उद्धव ठाकरेंनी अमित शाह यांनाही प्रत्युत्तर दिलं आहे.

First published on: 01-05-2023 at 21:41 IST

Web Title: When you say i have left hinduism what does mohan bhagwat leave behind when he goes to the mosque asks uddhav thackeray scj

“मी हिंदुत्व सोडलं म्हणता, मोहन भागवत मशिदीत जाताना काय सोडतात?” उद्धव ठाकरेंचा थेट प्रश्न

नेमकं काय म्हणाले आहेत उद्धव ठाकरे?