शनिशिंगणापूर देवस्थानच्या अध्यक्षपदी पहिल्यांदाच महिलेची निवड

महिलांना दर्शनबंदी असल्यावरून गाजत असलेल्या नगर जिल्ह्य़ातील नेवासे तालुक्यातील शनिशिंगणापूर देवस्थानच्या अध्यक्षपदी यंदा प्रथमच एका महिलेची निवड करण्यात आली. अनिता चंद्रहास शेटे यांची एकमताने देवस्थानच्या अध्यक्षपदी निवड करण्यात आली. देवस्थानच्या नवनियुक्त विश्वस्त मंडळाची पहिली बैठक सोमवारी पार पडली. दरम्यान, शनिदेवाच्या चौथऱ्यावर परंपरेनुसार महिलांना प्रवेशबंदी योग्यच असल्याचे सांगत अनिता शेटे यांनी अध्यक्षपदी विराजमान झाल्यानंतर या परंपरेचे समर्थन केले.
नगरच्या सहायक धर्मादाय आयुक्त कार्यालयाने गेल्या बुधवारी श्री शनिशिंगणापूर देवस्थानचे अकरा जणांचे विश्वस्त मंडळ जाहीर केले. त्यात अनिता चंद्रहास शेटे व शालिनी राजू लांडे या दोन महिलांसह देवस्थानचे माजी अध्यक्ष रावसाहेब बानकर, माजी विश्वस्त बापूसाहेब शेटे व नानासाहेब बानकर, योगेश बानकर, डॉ. वैभव शेटे, आदिनाथ शेटे, दीपक दरंदले, प्रा. आप्पासाहेब शेटे व भागवत बानकर यांचा समावेश आहे. नव्या विश्वस्त मंडळाची पहिली बैठक सोमवारी झाली. अगोदरच महिलांना दर्शनबंदी असल्यामुळे विविध संघटनांकडून आणि लोकांकडून आधीच्या विश्वस्त मंडळावर टीका करण्यात येत आहे. त्या पार्श्वभूमीवर पहिल्यांदाच एकमताने महिलेची अध्यक्षपदी निवड करण्याचा निर्णय बैठकीत घेण्यात आला. या बैठकीला सर्व नवनियुक्त विश्वस्त उपस्थित होते.
शिंगणापूर गावात चोरी होत नाही, त्यामुळे दरवाजा नसलेल्या घरांचे गाव म्हणून ते ओळखले जाते. तसेच देशात प्रसिद्ध असलेल्या शनिदेवाच्या चौथऱ्यावर परंपरेनुसार महिलांना प्रवेशबंदी आहे. या कारणावरून येथे अधूनमधून वादंग होतात. अलीकडेच एका महिलेने चौथऱ्यावर प्रवेश केल्याने वादंग उठले होते. या पार्श्वभूमीवर या पुरातन देवस्थानच्या विश्वस्त मंडळात यंदा प्रथमच महिलांना स्थान देण्यात आल्याने सकारात्मक प्रतिक्रिया उमटल्या होत्या.

आणखी वाचा

अकोला : बचत गटातील महिलांच्या योगदानातून ‘तेजस्विनी’ महाराष्ट्रातील एकमेव पथदर्शी उपक्रम

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

आंतरधर्मीय जोडप्यांसाठी अतिथीगृहे उपलब्ध करून द्या; उच्च न्यायालयाची सूचना

Ladki Bahin Yojana : “दोनपेक्षा जास्त मुलं असणाऱ्या मुस्लिम कुटुंबांना लाडकी बहीण योजनेतून वगळा”, आमदार नितेश राणेंची मागणी

राष्ट्रवादीचे जयंत पाटील यांच्यासमोर मतदारसंघात कडवे आव्हान

Markadwadi : “मारकडवाडीत पडलेल्या ठिणगीचा देशभर वणवा पेटला पाहिजे”, शरद पवारांसमोरच महिलांनी एल्गार पुकारला!

Priyanka Gandhi: “जय श्रीराम नाही, तर…”, प्रियांका गांधींनी महिला खासदारांना असा सल्ला का दिला? व्हिडीओ व्हायरल

गोंदिया : गर्भवती महिला दगावल्याने आंदोलन, वैद्यकीय अधिकाऱ्याचा निष्काळजीपणा…