सर्व जागांवर महिलांनाच विजयश्री

तालुक्यातील गारगुंडी ग्रामपंचायतीच्या निवडणुकीत मतदारांनी या वेळी सर्व महिला उमेदवारांना संधी दिल्याने या गावात महिलाराज अवतरले आहे. निवडणूक रिंगणातील साईकृपा ग्रामविकास मंडळाने सर्व महिलांना उमेदवारी देऊन वेगळा आदर्श निर्माण केला. मतदारांनी साईकृपाच्या या निर्णयास साथ देत महिलांच्या हाती ग्रामपंचायतीची सूत्रे दिली. या महिला उमेदवारांनी सातपैकी पाच विरोधी उमेदवारांच्या अनामत रकमा जप्त केल्या.
ग्रामपंचायतीतील विविध गैरप्रकारांमुळे गारगुंडी जिल्हा पातळीवर प्रकाशझोतात आले होते. या पार्श्र्वभूमीवर यंदाच्या निवडणुकीत शिवसेना प्रणीत साईकृपा ग्रामविकास मंडळाने सर्व महिला उमेदवारांना उमेदवारी देऊन गावाला विकासाच्या मार्गावर नेण्याचा निर्धार केला. मतदारांपुढे पॅनेलचा हा अजेंडा नेण्यात आल्यानंतर मतदारांनी त्यास सकारात्मक प्रतिसाद देत सर्व सातही जागांवर महिला उमेदवारांना मोठय़ा मताधिक्क्य़ाने विजयी केले.
हिराबाई झावरे, हिराबाई वाळुंज, प्रमिला फापाळे, विजया झावरे, अश्विनी फापाळे, जयश्री झावरे, गुलनाझ बालम शेख या नवनिर्वाचित ग्रामपंचायत सदस्या आहेत. शिवसेना प्रणीत साईकृपा ग्रामविकास मंडळाचे नेतृत्व प्रा. सुनील फापाळे, राहुल झावरे, बाबाजी फापाळे आदींनी केले. निवडणुकीचा निकाल जाहीर झाल्यानंतर ग्रामस्थांनी एकत्र येत नवनिर्वाचित सदस्यांचा सत्कार केला. गावाला विकासाचा मार्गावर नेण्यासाठी महिलांनी परिश्रम घेण्याचे आवाहन या वेळी करण्यात आले.

आणखी वाचा

Kalpana Soren: झारखंड विधानसभा निवडणुकीत कल्पना सोरेन यांची हवा; महिलांसाठीच्या योजना गेमचेंजर ठरणार?

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

नागपूर पोलिसांनी घडवले पुण्यात मायलेकीचे मनोमिलन, आईच्या चेहऱ्यावर हास्य आणि लेकीचा आनंद गगनात मावेना

‘लाडक्या बहिणी’पेक्षा महिलांना संरक्षण हवे – शरद पवार

राहुल गांधी नागपुरात आले आणि…टमाटरने सजवलेल्या तर्री पोह्यांसाठी थेट….

भाजप आमदाराचा थेट काँग्रेस उमेदवाराला आशीर्वाद… मध्य नागपूरात…

पुणे : मुठा नदी पात्रात ज्येष्ठ महिलेचा मृतदेह, पोलिसांकडून तपास सुरू

रणरागिनी… पश्चिम विदर्भात गेल्‍या निवडणुकीपेक्षा दुप्‍पट महिला उमेदवार रिंगणात