Worli Hit and Run Case : मिहीर शाहला १६ जुलैपर्यंत कोठडी; कोर्टात दोन्ही पक्षांकडून जोरदार युक्तीवाद | Worli Hit and Run Case Mihir Shah in police custody till July 16

BMW Hit and Run Case Marathi Update : मिहीरला आज कोर्टासमोर हजर केले असता त्याला सात दिवसांची पोलीस कोठडी सुनावण्यात आली.

हिट रन प्रकरणातला आरोपी मिहीर शाह (फोटो-फेसबुक)

Worli Hit and Run Case Update : वरळीतील हिट अँन्ड रन प्रकरणात मिहीर शाहाला १६ जुलैपर्यंत पोलीस कोठडी सुनावण्यात आली आहे. मंगळवारी त्याला विरार येथून अटक करण्यात आली. आज शिवडी कोर्टात हजर केले असता त्याला सात दिवसांची पोलीस कोठडी सुनावण्यात आली.

७ जुलै रोजी वरळीच्या कोळीवाड्यात बीएमडब्ल्यू या अलिशान गाडीने दुचाकीवर असलेल्या एका जोडप्याला उडवलं. या अपघातात दुचाकीवरील पुरुष एका बाजूला जाऊन पडला. तर महिला गाडीच्या बोनेटवर अडकली. बोनेटवर अडकलेल्या महिलेला कारचालकाने जवळपास एक ते दीड किमी फरफटत नेलं. तसंच, तिच्या अंगावरून गाडी नेली. या क्रूर प्रकारानंतर या गाडीचा चालक आणि मालक घटनास्थळावरून फरार झाला.

आणखी वाचा

बाबा सिद्दीकी हत्या प्रकरण : आकाशदीप गिलला पंजाबमधून अटक

Eknath Shinde on Ladki Bahin Yojana Sixth installment

महायुतीला सत्ता मिळाली, लाडक्या बहिणींना २१०० रुपये कधीपासून…

court accepts report filed by eow against shiv sena leader ravindra waikar in Jogeshwari land scam mumbai

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

‘थप्पड’ प्रकरणाने राजस्थानात तणाव; सरकारी कर्मचाऱ्यांचा संप; अपक्ष उमेदवार नरेश मीणा यांना अटक, समर्थकांकडून जाळपोळ

Worli hit and run case, High Court, Mihir Shah claim,

वरळी हिट अ‍ॅण्ड रन प्रकरण : गुन्हा करताना सापडल्यानंतरही अटकेचे कारण सांगणे अपरिहार्य ? मिहिर शहाच्या दाव्यावर उच्च न्यायालयाचे प्रश्नचिन्ह

Malegaon blast case Sadhvi Pragya Singh Absence despite bailable warrant

मालेगाव बॉम्बस्फोट खटला : जामीनपात्र वॉरंटनंतरही साध्वी प्रज्ञासिंह यांची अनुपस्थिती

Malvan Shivputla accident case Hearing on bail plea of Jaideep Apte Chetan Patil in High Court Mumbai news

मालवण शिवपुतळा दुर्घटना प्रकरण: जयदीप आपटे, चेतन पाटीलच्या जामीन याचिकेवर उच्च न्यायालयातच सुनावणी

दरम्यान, हे प्रकरण उजेडात येताच पोलिसांनी तत्काळ तपासकार्य सुरू केलं. शिंदे गटाती पालघर जिल्ह्याचे प्रमुख राजेश शाह यांचा हा मुलगा मिहीर शाह या प्रकरणात दोषी आढळला. परंतु, घटनेनंतर तो फरार होता. अपघात झाल्यानंतर तो आधी प्रेयसीकडे, मग तिथून बोरीवलीला त्याच्या राहत्या घरी, तिथून ठाणे-शहापूर येथील रिसॉर्टवर कुटुंबीयांबरोबर लपला. त्यानंतर कुटुंबीयांनाही फसवून तो मित्रांबरोबर विरारच्या एका रिसॉर्टवर गेला.

हेही वाचा >> वरळी हिट अँन्ड रन प्रकरण : पीडित कुटंबाला १० लाख रुपयांची अर्थिक मदत देण्याची मुख्यमंत्र्यांची घोषणा; म्हणाले…

दरम्यान, या काळात सर्वांचे फोन बंद होते. त्यामुळे पोलीस त्यांच्यापर्यंत पोहोचू शकले नाहीत. परंतु, त्याच्या मित्राने पंधरा मिनिटाकरता मिहीरचा फोन सुरू केला आणि पोलिसांनी त्यांचा माग काढत त्यांना तत्काळ अटक केली. त्याची आई, दोन बहिणीला ताब्यात घेण्यात आलं असून मित्र आणि त्याला अटक करण्यात आली आहे.

आज त्याला शिवडी न्यायालयात हजर करण्यात आलं. आजच्या सुनावणीत सरकारी वकील आणि मिहीरच्या वकिलांमध्ये खडाजंगी झाल्याचं पाहायला मिळालं. मिहीरला पोलीस कोठडी मिळावी म्हणून सरकारी वकिलांनी विनंती केली होती. परंतु, मिहीरची सर्व चौकशी पूर्ण झालेली आहे, त्यामुळे त्याला आता कोठडीची गरज नाही, असा युक्तीवाद मिहीरच्या वकिलांनी केला.

#UPDATE | Worli (Mumbai) hit-and-run case | Sewri Court in Mumbai sends accused Mihir Shah to Police Custody till 16th July. https://t.co/cA28AmsiMx
— ANI (@ANI) July 10, 2024

युक्तीवादात पोलीस काय म्हणाले?

मिहीरला सात दिवसांची पोलीस कोठडी मिळावी अशी मागणी पोलिसांनी न्यायालयात केली होती. या प्रकरणात मिहीरला मदत केलेल्या सर्वांची चौकशी करायची आहे. आरोपीकडे गाडी चालवण्याचा परवाना आहे का? याचा तपास करायचा आहे, असंही पोलिसांनी न्यायालयात सांगितलं.

आरोपीचे वकील काय म्हणाले?

त्यावर मिहीरचे वकील म्हणाले, गाडीचा चालक आणि मिहीर यांची समोरसमोर चौकशी करण्यात आली आहे. पोलिसांनी त्याचा फोनही जप्त केला आहे. त्यामुळे त्यांना आता मिहीरची कोठडी का हवी आहे? आरोपीला घटनास्थळीही नेलं होतं. त्याने संपूर्ण घटनाक्रम पोलिसांना सांगितला आहे. चालक आणि मिहीरचा जबाब जुळला आहे. त्यामुळे मिहीरला कोठडीत टाकण्यासाठी पोलिसांकडे सबळ कारण नाही.

दोन्ही बाजूचा युक्तीवाद ऐकून घेतल्यानंतर न्यायाधीशांनी मिहीरला सात दिवसांची कोठडी म्हणजेच १६ जुलैपर्यंत पोलीस कोठडी सुनावली आहे.

पीडित कुटुंबाला १० लाखांची आर्थिक मदत

मुख्यमंत्री एकनाथ शिंदे यांनी आज पीडित कुटुंबाला १० लाखांची आर्थिक मदत करणार असल्याची घोषणा केली. माध्यमांशी बोलताना त्यांनी हे जाहीर केलं.

Web Title: Worli hit and run case mihir shah in police custody till july 16 sgk