"२०२४ च्या निवडणुकांची तयारी"; राज्यातल्या तणावावरून काँग्रेसची भाजपासह नरेंद्र मोदींवर टीका

काँग्रेस आमदार यशोमती ठाकूर यांनी भाजपा आणि पंतप्रधान नरेंद्र मोदींवर टीका.

( नरेंद्र मोदी )

राज्यात अलिकडच्या काळात लहान-मोठ्या दंगली घडत आहेत. गेल्या महिन्यात छत्रपती संभाजी नगरमध्ये, अकोल्यात दंगली घडल्या. त्यापाठोपाठ या महिन्यात दोन दिवसांपूर्वी अहमदनगरमध्ये एका उरूसाच्या मिरवणुकीत काही तरुणांनी मुघल बादशाह औरंगजेबाचे पोस्टर्स हातात घेऊन नाच केला, तसेच घोषणाबाजी देखील केली. त्यापाठोपाठ कोल्हापुरातही असाच काहिसा प्रकार घडला. काही तरुणांनी औरंगजेबाचे फोटो सोशल मीडिया अकाऊंटच्या स्टेटसवर ठेवले, तसेच औरंगजेबाचं उदात्तीकरण करणारा मजकूरही शेअर केल्याने या लोकांवर कारवाई करावी अशी मागणी हिंदुत्त्ववादी संघटनांनी केली. या मागणीसाठी बुधवारी कोल्हापूर बंदची हाक दिली. कोल्हापुरात हिंदुत्त्ववादी संघटनांनी ठिय्या आंदोलनही केलं. परंतु काही ठिकाणी आंदोलन हिंसक झाल्याने पोलिसांनी आंदोलकांवर लाठीचार्ज केला. या सर्व घटनांवरून राज्यातले सत्ताधारी आणि विरोधक एकमेकांवर टीका करत आहेत.

भारतीय जनता पार्टीच्या महिला मोर्चाच्या अध्यक्षा चित्रा वाघ यांनी या दोन्ही घटनांवरून महाविकास आघाडीकडे बोट दाखवलं आहे. चित्रा वाघ यांनी एक ट्वीट केलं आहे. त्यात त्यांनी म्हटलं आहे की, राज्यात अचानक औरंग्याच्या औलादी वाढू लागल्या आहेत. त्यांना जन्माला घालणाऱ्यांचा म्हणजेच महाविकास आघाडीचा आणि औरंगजेबाचा डीएनए एकच असावा. अन्यथा काही तरूणांनी औरंगजेबाचं स्टेटस ठेवल्याप्रकरणी राज्यातील सर्व परिस्थिती संवेदनशील असताना महाविकास आघाडीच्या वाचाळवीरांकडून दंगे भडकवण्याचं काम झालं नसतं.

आणखी वाचा

“गद्दारांनी गुवाहाटीचा डोंगर बघितला, आता त्यांना टकमक टोक दाखवायचंय”, उद्धव ठाकरेंची शहाजीबापू पाटलांवर घणाघाती टीका!

sneha chavan marathi actress got married for second time

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

Rs 700 crore was recovered from liquor sellers pm Narendra Modi alleged

“काँग्रेसच्या सत्तेतील राज्य शाही परिवाराचे ‘एटीएम’, मद्यविक्रेत्यांकडून ७०० कोटी रुपयांची वसुली,” पंतप्रधान नरेंद्र मोदींचा घणाघात

‘देवेंद्र फडणवीस पुन्हा मुख्यमंत्री?’, अमित शाहांच्या त्या विधानावर अजित पवारांचं मोठं विधान; म्हणाले, “निवडणूक झाल्यावर…”

Mulik joins Tingre for campaign in Wadgaon Sheri seat

आमदारकीचा शब्द मिळताच कट्टर विरोधक झाला मित्र, कुठे घडला हा प्रकार !

“देवेंद्र फडणवीसांविरोधात आता खटला भरला पाहिजे, त्यांनी राज्यातील…”; छगन भुजबळांच्या ‘त्या’ दाव्यावरून सुप्रिया सुळेंचा हल्लाबोल!

तुम्हाला छत्रपती शिवरायांची शपथ आहे! – ॲड यशोमती ठाकूर

जातीय – धार्मिक विद्वेष वाढणं हे मोदींचे अपयश! हिंदू धर्म खतरें मैं है ची भीती दाखवून २०२४ च्या निवडणुकांची तयारी सुरू आहे. जनसामान्यांनी या षडयंत्राला बळी पडू नये. महाराष्ट्राची औद्योगिक सुरक्षा धोक्यात आणली जात आहे, या… pic.twitter.com/y8FRYJ3TY9
— Adv. Yashomati Thakur (@AdvYashomatiINC) June 7, 2023

हे ही वाचा >> “…मस्तवाल मुलाचा बाप”, केंद्रीय मंत्र्याच्या शरद पवारांवरील टीकेला रोहित पवारांचं उत्तर

यानंतर आता काँग्रेसने या घटनांसाठी भारतीय जनता पार्टीला जबाबदार धरलं आहे. माजी मंत्री आणि काँग्रेस आमदार यशोमती ठाकूर यांनी थेट पंतप्रधान नरेंद्र मोदींवर हल्लाबोल केला आहे. ठाकूर यांनी एक ट्वीट केलं आहे. त्यात त्यांनी म्हटलं आहे की, “जातीय – धार्मिक विद्वेष वाढणं हे मोदींचे अपयश! हिंदू धर्म खतरें में हैं (हिंदू धर्म धोक्यात आहे) ची भीती दाखवून २०२४ च्या निवडणुकांची तयारी सुरू आहे. जनसामान्यांनी या षडयंत्राला बळी पडू नये. महाराष्ट्राची औद्योगिक सुरक्षा धोक्यात आणली जात आहे.” दरम्यान आमदार ठाकूर यांनी राज्यातल्या जनतेला आवाहन केलं आहे की, “या षडयंत्रापासून लांब राहा, तुम्हाला छत्रपती शिवरायांची शपथ आहे.”

First published on: 08-06-2023 at 19:31 IST

Web Title: Yashomati thakur slams bjp and narendra modi over maharashtra riots says its election preparation asc

“२०२४ च्या निवडणुकांची तयारी”; राज्यातल्या तणावावरून काँग्रेसची भाजपासह नरेंद्र मोदींवर टीका

काँग्रेस आमदार यशोमती ठाकूर यांनी भाजपा आणि पंतप्रधान नरेंद्र मोदींवर टीका.