28 years of Maine Pyar Kiya: सलमानच्या ‘मैने प्यार किया’बद्दल या ८ गोष्टी तुम्हाला माहितीयेत का?

१. सलमान या चित्रपटासाठी ऑडिशनला गेला होता तेव्हा त्याने त्याची मैत्रीण आणि कोरिओग्राफर फराह खानला त्याच्यासोबत येण्यास सांगितले होते. त्यावेळी त्याच्या मनात भीती होती की, सूरज बडजात्या त्याला डान्स करायला सांगितील आणि यात त्याला अपयशी व्हायचे नव्हते.

२. त्यावेळी सलमानला फिल्मफेअरचा सर्वोत्कृष्ट पदार्पण विभागातील पुरस्कार मिळाला होता. मात्र, हा त्याचा पहिला चित्रपट नव्हता. त्याआधी त्याने ‘बिवी हो तो ऐसी’मध्ये सहायक अभिनेत्याची भूमिका साकारली होती.

३. चित्रपटात सलमानच्या आईची भूमिका साकारणाऱ्या रीमा लागू त्याच्यापेक्षा केवळ सात वर्षांनी मोठ्या होत्या. काही महिन्यांपूर्वीच रीमा यांचे निधन झाले.

वाचा : ‘टायगर जिंदा है’ ठरला यंदाच्या वर्षी सर्वाधिक कमाई करणारा दुसरा चित्रपट

४. ‘मेरे रंग मै रंगनेवाली’ हे गाणं खरंतर युरोपच्या ‘द फायनल काउन्टडाऊन’ या अल्बममधून कॉपी करण्यात आले होते.

५. चित्रपटासाठी सलमानला सुरुवातीला ३१ हजार रुपये मानधन देण्यात आले होते. नंतर त्यात वाढ करून त्याला ७५ हजार रुपये देण्यात आल्याचा खुलासा स्वतः सलमाननेच एका मुलाखतीत केला होता.

६. विनोदवीर राजू श्रीवास्तव आणि सध्या ‘तारक मेहता का उल्टा चष्मा’ या मालिकेत जेठालालची भूमिका साकारणारा अभिनेता दिलीप जोशी हे दोघंही या चित्रपटाचा भाग होते.

वाचा : ‘जो जिता वही सिकंदर’च्यावेळी जखमी झाली होती आएशा

७. ‘कबूतर जा जा’ गाण्यातील कबूतराचे नाव ‘हॅण्डसम’ असे होते.

८. त्यावेळी ‘मैने प्यार किया’ने फिल्मफेअरचे सर्वाधिक पुरस्कार पटकावले होते. या चित्रपटाला फिल्मफेअर पुरस्कार सोहळ्यामध्ये १३ विभागांमध्ये नामांकन मिळाले होते त्यापैकी चित्रपटाने सात पुरस्कार मिळवले होते.