काय?.. बनारसी पानाचं नाव ‘शाहरुख खान’!

ज्या गोष्टीसाठी वाराणसी प्रसिद्ध आहे ते म्हणजे बनारसी पान. म्हणतात ना, ‘बनारस गए और पान नही खाए, ऐसा कैसे हो सकता है.’ हीच ओळ कॅप्शनमध्ये लिहित अनुष्का शर्माने पान खातानाचा फोटोसुद्धा इन्स्टाग्राम अकाऊंटवर शेअर केला होता. किंग खान आणि अनुष्काने वाराणसीमधील ‘तंबूलम पान शॉप’मधून पान खाल्लं होतं. त्यानंतर दुकानाचे मालक सतीश कुमार यांना दररोज अनेकजण विचारु लागले होते की, शाहरुखने कोणता पान खाल्लेलं? त्यामुळे शाहरुखनने खाल्लेल्या मीठा पानला ‘शाहरुख खान पान’ असंच नाव देण्याचा त्यांनी निर्णय घेतला. आता ‘तंबूलम पान शॉप’मध्ये शाहरुखच्या नावाचं पान ३५ रुपयांना मिळतंय.

View this post on Instagram

A post shared by AnushkaSharma1588 (@anushkasharma)

शाहरुख आणि अनुष्का या आपल्या आवडत्या कलाकारांना पाहण्यासाठी वाराणसीमध्ये जबरदस्त गर्दी उसळली होती. लोकांचे मनोरंजन करण्यासाठी तिथे अभिनेता मनोज तिवारीही उपस्थित होता. यावेळी शाहरुखनं अनुष्कासाठी खास भोजपुरी गाणंसुद्धा गायलं.