Photo : नटश्रेष्ठ काशिनाथ घाणेकर यांच्या भूमिकेतील सुबोध भावेचा फर्स्ट लूक

आरशात पाहतानाचा चेहरा सुबोधने पोस्ट केला आहे. ‘प्रेक्षकांच्या शिट्ट्या आणि टाळ्यांमध्ये जगणाऱ्या रंगभूमीच्या सम्राटाचे आयुष्य येत्या दिवाळीत आता मोठया पडद्यावर उलगडणार. २०१८ च्या आरशात रंगभूमीच्या सुवर्णकाळाचा मागोवा,’ असं कॅप्शन त्याने या फोटोला दिलं आहे.

View this post on Instagram

A post shared by सुबोध भावे(Subodh Bhave) (@subodhbhave)

मराठी रंगभूमी आणि चित्रपटसृष्टीमध्ये डॉ. काशिनाथ घाणेकर यांचे अतुलनीय योगदान आहे. रायगडाला जेव्हा जाग येते, इथे ओशाळला मृत्यू, अश्रूंची झाली फुले, गारंबीचा बापू, आनंदी गोपाळ, शितू, तुझे आहे तुजपाशी, सुंदर मी होणार, मधुमंजिरी या आणि अशा अनेक नाटकांमधील त्यांच्या भूमिका जबरदस्त गाजल्या.

वाचा : वडिलांसोबतच्या चित्रपटातून साराने घेतला काढता पाय

चित्रपटात सुबोध भावेसोबत सोनाली कुलकर्णी आणि सुमित राघवन यांच्याही महत्त्वपूर्ण भूमिका आहेत. ७ नोव्हेंबर रोजी हा चित्रपट प्रेक्षकांच्या भेटीला येणार आहे. या चित्रपटाचे दिग्दर्शन अभिजीत देशपांडे यांनी केले आहे. १९६० च्या दशकावर आधारीत असलेल्या ‘आणि काशिनाथ घाणेकर’मध्ये या अभिनेत्याचा उदय आणि अस्त दाखविण्यात येणार आहे.