चित्रपट दिग्दर्शक ओम राऊत यांचा ‘तान्हाजी : द अनसंग वॉरिअर’ हा चित्रपट सुपरहिट ठरल्यानंतर ‘आदिपुरुष’ हा चित्रपट प्रेक्षकांच्या भेटीला येणार आहे. या चित्रपटात दाक्षिणात्य सुपरस्टार प्रभास, क्रिती सेनॉन आणि बॉलिवूडचा नवाब सैफ अली खान मुख्य भूमिकेत दिसणार आहे. सध्या या चित्रपटाचे चित्रीकरण सुरु आहे. दरम्यान अभिनेता प्रभास मुंबईत असल्याचे समोर आले आहे. प्रभासचा एक फोटो देखील समोर आला आहे. पण हा फोटो पाहून 'हा नक्की प्रभासच आहे?' असा प्रश्न अनेक चाहत्यांना पडला आहे. 'आदिपुरुष' चित्रपटातील एका गाण्याची प्रॅक्टिस करण्यासाठी प्रभास मुंबईत आला आहे. बॉलिवूड सेलिब्रिटी फोटोग्राफर विरल भयानीने त्याच्या इन्स्टाग्राम अकाऊंटवर प्रभास आणि क्रिती मुंबईत चित्रपटातील गाण्याच्या प्रॅक्टिससाठी एकत्र आल्याचे म्हटले आहे. दरम्यान प्रभासचा विना मेकअप फोटो पाहून चाहते हैराण झाले आहे. View this post on Instagram A post shared by Bollywood Pap (@bollywoodpap) प्रभासचा फोटो पाहून एका चाहत्याने 'हा स्क्रीनवर फार वेगळा दिसतो' असे म्हटले आहे. तर दुसऱ्या एका यूजरला 'हा नक्की प्रभासच आहे?' असा प्रश्न पडला आहे. तिसऱ्या एका यूजरने 'बापरे मी ओळखलेच नाही हा प्रभास आहे' असे म्हटले आहे. चित्रपटासाठी 350 कोटी खर्च ‘आदिपुरुष’ चित्रपटाचे सध्या चित्रीकरण सुरु आहे. मीडिया रिपोर्टनुसार या चित्रपटासाठी जवळपास ३५० ते ४०० कोटी खर्च करण्यात येणार आहेत. हा चित्रपट हिंदी, तमिळ,तेलगू, कन्नड आणि मल्याळम या भाषांमध्ये प्रदर्शित होणार आहे.
