सतारवादक अनुष्का शंकरने मोडला सात वर्षांचा संसार

प्रख्यात सतारवादक पंडित रवीशंकर यांची कन्या सतारवादक अनुष्का शंकरने घटस्फोट घेतला आहे. सात वर्षांच्या संसारानंतर अनुष्का दिग्दर्शक पती जो राईटपासून विभक्त झाली. २००९ मध्ये अनुष्का आणि जो यांची भेट दिल्लीत झाली होती. त्यानंतर दोघांच्या रिलेशनशीपची चर्चा जगभर झाली होती. अनुष्का आणि जो जगभरात वेगवेगळ्या कार्यक्रमा निमित्ताने सातत्याने भेटायचे. याच भेटीदरम्यान त्यांच्यात प्रेम बहरत गेले. तीन महिन्यांनी दोघांनी एकत्र राहण्याचा निर्णय घेतला होता. २६ सप्टेंबर २०१० रोजी लंडनमध्ये एका खाजगी सोहळ्यात दोघं विवाहबंधनात अडकले. त्यांना जुबीन आणि मोहन ही दोन मुलं आहेत.