विराटच्या घरी अनुष्काचा गृहप्रवेश - Marathi News | Anushka Sharma And Virat Kohli After Marriage New Pictures

नव्या जोडप्याचे भरभरून कौतुक करत असतील

अनुष्का शर्मा आणि विराट कोहली

अनुष्का शर्मा आणि विराट कोहली यांनी ११ डिसेंबरला इटलीमध्ये डेस्टिनेशन वेडिंग केले. लग्न आणि हनिमूननंतर हे दोघंही भारतात परतले आहेत. भारतात परतल्यानंतर त्यांचे दोन फोटो सोशल मीडियावर व्हायरल होत आहेत. असे म्हटले जाते की, हे फोटो विराटच्या दिल्ली येथील घरातील आहेत. यामध्ये अनुष्का विराटच्या नातेवाईकांसोबत दिसत आहे. अनुष्काने गुलाबी रंगाचा पंजाबी ड्रेस घातला असून तिच्या हातात चुडाही आहे. तर विराटने क्रीम रंगाचा कुर्ता आणि पायजमा घातला आहे. सगळेच या नव्या जोडप्याचे भरभरून कौतुक करत असतील यात काही शंका नाही. अनुष्काच्या चेहऱ्यावरही स्मितहास्य पाहायला मिळत आहे.

https://www.instagram.com/p/Bc4hQlWHEu3/

काही दिवसांपूर्वी अनुष्कानेच तिच्या इन्स्टाग्राम अकाऊंटवरुन त्यांच्या हनिमूनचा एक फोटो शेअर केला होता. या फोटोमध्ये बर्फाळ भागात विरुष्का एकमेकांसोबत निवांत वेळ घालवताना दिसत होते. अनुष्काने हा फोटो शेअर करताच सोशल मीडियावर सगळीचकडे हा फोटो कमालिचा व्हायरल झाला होता.

https://www.instagram.com/p/Bc4hC2HHW5C/

दिल्लीत उद्या विरुष्काच्या लग्नाचे रिसेप्शन असेल तर मुंबईतही २६ डिसेंबरला रिसेप्शन पार्टीचे आयोजन करण्यात आले आहे. या दोन्ही रिसेप्शनमध्ये बॉलिवूड आणि क्रिकेट जगतातील अनेक मान्यवर शुभेच्छा द्यायला येतील यात काही शंका नाही. लवकरच विरुष्का वरळी येथील त्यांच्या नवीन घरात राहायला जाणार असल्याचे म्हटले जात आहे.

First published on: 20-12-2017 at 10:29 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Anushka sharma and virat kohli after marriage new pictures