IPL स्थगित झाल्यानंतर करोना रुग्णांसाठी ‘विरुष्का’चा पुढाकार; निधी गोळा करण्यासाठी पोस्ट केला व्हिडिओ

अनुष्काने ट्वीटर अकाऊंटवर पती विराट कोहलीसोबतचा एक व्हिडीओ शेअर केला आहे. हा व्हिडीओ शेअर करत तिने, ‘करोनाच्या दुसऱ्या लाटेशी आपला देश लढा देत आहे. आपल्या आरोग्य यंत्रणेला अनेक आव्हानांचा सामना करावा लागत आहे. आपल्या लोकांच्या समस्या पाहून मला दु:ख झाले. त्यामुळे गरजूंना मदत करण्यासाठी मी आणि विराटने #InThisTogether ही मोहिम सुरु केली आहे’ या आशयाचे कॅप्शन दिले आहे.

आणखी वाचा: ‘अब तो आदत सी हो गयी है ऐसे जीने की’, आयपीएल स्थगित केल्याने मीम्सचा पाऊस

As our country battles the second wave of Covid-19, and our healthcare systems are facing extreme challenges, it breaks my heart to see our people suffering.

So, Virat and I have initiated a campaign #InThisTogether, with Ketto, to raise funds for Covid-19 relief. pic.twitter.com/q71BR7VtKc

— Anushka Sharma (@AnushkaSharma) May 7, 2021

करोनाच्या दुसऱ्या लाटेमुळे देशात हाहाकार उडाला आहे. फेब्रुवारीमध्ये डोकं वर काढलेल्या करोनाच्या दुसऱ्या लाटेनं अवघ्या तीन महिन्यातच देशाला विध्वंसक परिस्थितीत ढकललं आहे. दररोज लाखो लोक करोनाच्या तडाख्यात सापडत असून, अनेक कुटुंबं उघड्यावर आली आहेत. भयावह गोष्ट म्हणजे दुसऱ्या लाटेत मृतांचा आकडा प्रचंड वेगाने वाढला असून, फक्त एप्रिल महिन्याच्या ३० दिवसांत देशात ४५,००० नागरिकांचा मृत्यू झाला आहे. अशातच आता विराट कोहली आणि अनुष्का शर्मा अनेकांच्या मदतीला धावून आले आहेत.