दिशा- टायगरच्या रिलेशनशिपमुळे ‘बागी २’चे निर्माते पेचात?

पार्टी, चित्रपट स्क्रीनिंग, पुरस्कार सोहळे आणि इतर कार्यक्रमांमध्येही टायगर- दिशाला एकत्र पाहिलं गेलं. इतकंच नव्हे तर दोघांच्या डिनर डेट्सचे फोटोही बऱ्याचदा चर्चेत होते. यामुळे ‘बागी २’चे निर्माते नाराज असल्याचं म्हटलं जात आहे. ‘डेक्कन क्रॉनिकल’ने दिलेल्या वृत्तानुसार टायगर- दिशाच्या केमिस्ट्रीतील नाविन्य हरपेल, अशी भीती निर्मात्यांना वाटत आहे.

View this post on Instagram

A post shared by disha patani (paatni) ? (@dishapatani)

वाचा : त्या अभिनेत्रीकडून ‘ऑस्कर’ स्वीकारायला आवडेल- राजकुमार राव

तर दुसरीकडे दिशाने या अफवा असल्याचं स्पष्ट केलं. ‘आमच्या एकत्र फिरण्यावर कोणाचाही आक्षेप नाही. या गोष्टींचा चित्रपटावर काही परिणाम होईल असं मला वाटत नाही. माझ्या मते, चांगले कथानक चित्रपटाच्या यशासाठी महत्त्वाचं असतं,’ असं दिशा म्हणाली.
‘बागी २’मध्ये अरमान कोहली, मनोज वाजपेयी, रणदीप हुड्डा आणि प्रतीक बब्बर यांच्याही महत्त्वपूर्ण भूमिका आहेत. साजिद नाडियादवाला निर्मित आणि अहमद खान दिग्दर्शित ‘बागी’चा हा सिक्वल असून २७ एप्रिल २०१८ रोजी प्रेक्षकांच्या भेटीला येणार आहे.