आपल्या कॉमेडीने प्रेक्षकांना खळखळून हसवणारी कॉमेडीयन म्हणजे भारती सिंह. भारती सिंह सतत कोणत्या ना कोणत्या कारणामुळे चर्चेत असते. सध्या ती ‘डान्स दीवाने ३’ या शोचे सूत्रसंचालन करताना दिसत आहे. सेटवरचा भारतीचा एक मजेशीर व्हिडीओ सध्या सोशल मीडियावर तुफान व्हायरल झाला आहे.
काही दिवसांपूर्वी ‘डान्स दीवाने ३’ या कार्यक्रमात अभिनेत्री, डान्सर नोरा फतेहीने हजेरी लावली होती. दरम्यान नोरा भारतीचा पती हर्षसोबत ‘ये मेरा दिल प्यार का दीवाना’ या गाण्यावर डान्स करताना दिसते. नोराचे हर्षसोबत डान्स करणे भारतीला आवडत नाही. ती संतापते आणि नोराला खेचत भरस्टेजवरून खाली घेऊन जाते. दरम्यान तेथे उपस्थित असलेल्या परीक्षकांना देखील हसू अनावर होते. भारती, हर्ष आणि नोराचा हा मजेशीर व्हिडीओ सध्या सोशल मीडियावर तुफान व्हायरल झाला आहे.
आणखी वाचा : ‘देवमाणूस’ मालिकेच्या टीमला देखील ‘ओ शेठ’ गाण्याची भूरळ, व्हिडीओ व्हायरल
View this post on Instagram
भारती लवकरच ‘द कपिल शर्मा शो’मध्ये दिसणार आहे. सुरवातीला ‘द कपिल शर्मा शो’ मध्ये भारती बुआची भूमिका साकारत होती. सध्या ती ‘डान्स दीवाने 3’ हा शो होस्ट करत आहे. हा शो होस्ट करण्यासाठीची तिची फी ७० टक्के कमी करण्यात आली. तर आता लवकरच सुरू होणाऱ्या ‘द कपिल शर्मा शो’साठी तिची ५० टक्के फीस कमी केल्याचा खुलासा भारतीने एका मुलाखतीमध्ये केला आहे.
