सध्या कलाविश्वात लग्नाचे वारे वाहत आहेत. सोशल मीडियावरही सेलिब्रिटींच्या विवाहसोहळ्याचे फोटो, व्हिडिओ यांचीच सर्वाधिक चर्चा आहे. दीपिका-रणवीर, प्रियांका-निक, इशा अंबानी, रोडीज फेम रघु राम यांच्यापाठोपाठ प्रसिद्ध टेलिव्हिजन अभिनेत्री पारुल चौहान हिनेसुद्धा लग्नगाठ बांधली आहे. बुधवारी १२ डिसेंबर रोजी मुंबईतल्या इस्कॉन मंदिरात पारुल प्रियकर चिराग ठक्करसोबत लग्नबंधनात अडकली.
चिराग आणि पारुल गेल्या दोन वर्षांपासून एकमेकांना डेट करत आहेत. स्टार प्लस वाहिनीवरील ‘बिदाई’ या मालिकेतून पारुलने छोट्या पडद्यावर पदार्पण केलं. या मालिकेमुळेच ती घराघरात पोहोचली. सध्या ती ‘ये रिश्ता क्या कहलाता है’ या मालिकेत सुवर्णा ही भूमिका साकारत आहे. या मालिकेतील तिचे सहकलाकार आणि जवळचे मित्रमंडळी या लग्नसोहळ्याला उपस्थित होते.
Photos : ‘रोडीज’ फेम रघु राम दुसऱ्यांदा चढला बोहल्यावर
पारुल- चिराग नातेवाईक आणि कलाविश्वातील मित्रमंडळींसाठी दोन रिसेप्शनचं आयोजन करणार असल्याचं समजतंय. पहिलं रिसेप्शन उत्तरप्रदेशातील लखीमपूर खेरी या पारुलच्या गावी पार पडणार आहे. तर दुसरं रिसेप्शन मुंबईत असेल.
