गरोदरपणाविषयी विद्या काय म्हणतेय ऐकलं का?

आपल्या अभिनयाच्या बळावर चित्रपटसृष्टीत नावारुपास आल्यानंतर २०१२ मध्ये विद्याने सिद्धार्थ रॉय कपूरशी लग्न केले. आता त्यांच्या लग्नाला काही वर्षे उलटल्यानंतर माध्यमांमध्ये आणि विविध कार्यक्रमांना तिला एका प्रश्नाचा वारंवार सामना करावा लागतो. तो प्रश्न म्हणजे विद्याच्या गरोदरपणाविषयीचा. नुकत्याच एका मुलाखतीतही तिला असाच प्रश्न विचारण्यात आला. त्यावेळी आपण मातृत्त्वाविषयी सध्यातरी काहीच विचार केला नसल्याचे तिने स्पष्ट केले.

चाळीशीच्या घरात पोहोचणाऱ्या विद्याने यावेळी २० वर्षांच्या मुलीप्रमाणे स्वच्छंद जगण्याची इच्छाही व्यक्त केली. त्याशिवाय आपल्या आयुष्यात मुलांचे जितके महत्त्व असते, एका आईला ज्याप्रमाणे तिची मुलं प्रिय असतात त्याचप्रमाणे मला माझे चित्रपट प्रिय आहेत, तेच माझी मुलं आहेत असेही विद्या म्हणाली.

‘भन्साळींइतकी सहनशीलता माझ्यात नाही’

View this post on Instagram

A post shared by Vidya Balan (@balanvidya)

गरोदरपणाविषयी विद्याने याहीआधी काही गोष्टी स्पष्ट केल्या होत्या. रेल्वेप्रवासादरम्यान आपण बऱ्याचदा गर्भवती महिलेचे नाटक केल्याचे गुपित खुद्द विद्यानेच एका मुलाखतीत उघड केले होते. रेल्वेमध्ये जागा मिळण्यासाठी आपण गर्भवती असल्याचे नाटक केल्याचे तिने ‘अनुपम खेर अॅक्टिंग स्कूल’मध्ये संवाद साधताना सर्वांसमोर सांगितले होते.