‘घरी घेऊन ये, पैसे वाचतील’ रणवीरच्या त्या फोटोवर दीपिकाची कमेंट

नुकताच जेबीएल कंपनीने रणवीर सिंगला ब्रँड अॅम्बेसिडर बनवले. त्यामुळे रणवीरने जेबीएल स्पीकरसह फोटोशूट केले. या फोटोशूटमधील काही फोटो रणवीरने त्याच्या इन्स्टाग्राम अकाऊंटवर शेअर केले आहेत. या फोटोमध्ये रणवीरने पिवळ्या रंगाचा हूडी आणि पांढऱ्या रंगाची पॅन्ट परिधान केली आहे. त्यावर त्याने पांढऱ्या रंगाचे शूज घातले आहेत. रणवीरचा हा स्टनिंग लूक अनेक चाहत्यांच्या मनावर राज्य करणारा आहे. सध्या रणवीरचे हे फोटो सोशल मीडियावर व्हायरल झाले आहेत.

 

View this post on Instagram

 

Proud to be the Global Brand Ambassador for the Iconic Sound Innovators @jblindia #DareToListen #JBL

A post shared by Ranveer Singh (@ranveersingh) on Sep 9, 2019 at 4:14am PDT

रणवीरने शेअर केलेल्या या फोटोवर पत्नी दीपिकाने केमेंट केली आहे. फोटोशूटमधील रणवीरच्या लूकपेक्षा दीपिकाने केलेल्या कमेंटने सर्वांचे लक्ष वेधले आहे. दीपिकाने ‘यार घरी येताना एक दोन स्पीकर घेऊन ये. आपले पैसे वाचतील’ असे कमेंटमध्ये लिहित फनी इमोजी वापरले आहेत. तिची हि कमेंट वाचून अनेकांना हसू आले आहे. दीपिकाच्या या कमेंटवर चाहत्यांनी रिप्लाय दिला आहे.

आणखी वाचा : २२ वर्षांनी लहान मुलीच्या प्रेमात पडला अनुराग कश्यप

दीपिकाने रणवीरच्या फोटोवर पहिल्यांदाच कमेंट केलेली नाही. बऱ्याच वेळा ते दोघे एकमेकांच्या फोटोवर कमेंट देत असतात, एकमेकांचे फोटो शेअर करत असतात. रणवीर आणि दीपिका लवकरच ’83’ चित्रपटात एकत्र दिसणार आहेत. लग्नानंतर पहिल्यांदाच ते दोघे एकत्र दिसणार असल्याने चाहत्यांची चित्रपटाबाबची उत्सुकता शिगेला पोहोचली आहे.