कॉमे़डी आणि हॉरर यांचा परफेक्ट तडका असलेल्या रोहित शेट्टीचा ‘गोलमाल अगेन’ बॉक्स ऑफिसवर सुसाट कमाई करतोय. फक्त चार दिवसांतच या चित्रपटाने १०० कोटींचा गल्ला जमवला आहे.
प्रदर्शनाच्या दिवसापासूनच कमाईने चांगला जोर धरला आहे. सुमारे ३३ कोटी रुपये पहिल्या दिवशी, सुमारे २८.५० कोटी रुपये दुसऱ्या दिवशी आणि तिसऱ्या दिवशीही जवळपास २८ कोटी रुपये या चित्रपटाने कमावले. त्यामुळे आठवड्याअखेर चित्रपटाची कमाई सुमारे ८७ कोटी रुपये इतकी झाली होती. सोमवारी यात १६ कोटी रुपयांची भर पडल्यानंतर चार दिवसांत एकूण १०३ कोटी रुपयांची कमाई चित्रपटाने केली.
वाचा : ‘गोल्ड’मागोमाग आणखी एका मोठ्या चित्रपटासाठी मौनीची वर्णी
आमिर खानच्या ‘सिक्रेट सुपरस्टार’सोबतच रोहित शेट्टीचा हा चित्रपट प्रदर्शित झालेला. दोन्ही चित्रपटांची माऊथ पब्लिसिटीही जोरदार होत असल्याने स्पर्धा अटीतटीची आहे. मात्र आता कमाईच्या बाबतीत ‘गोलमाल अगेन’ पुढे सरकताना दिसतोय.
‘गोलमाल’च्या सिरीजमधील सर्वच चित्रपट हिट ठरले. तगडी स्टारकास्ट, जबरदस्त कॉमेडी या गोष्टींमुळे प्रेक्षक आकर्षित झाले. सिरीजमधला हा चौथा चित्रपट असला तरी पहिल्या तीन चित्रपटांप्रमाणेच हासुद्धा सुपरहिट ठरतोय. अजय देवगण, तुषार कपूर, अर्षद वारसी, कुणाल खेमू, श्रेयस तळपदे यांच्यासोबतच परिणीती चोप्रा आणि तब्बू यांच्याही भूमिका आहेत
