छोट्या पडद्यावरील अतिशय लोकप्रिय रिअॅलिटी शो म्हणजे 'इंडियन आयडल.' सध्या इंडियन आयडलचे १२ वे पर्व सुरु असून आहे. शोच्या आगामी भागात संगीत दिग्दर्शक अनु मलिक आणि मनोज मुंतशिर हे पाहुणे म्हणून येणार आहे. त्यावेळी शोमध्ये सहभागी झालेल्या स्पर्धकांचे आई-वडील देखील तेथे उपस्थित असणार आहेत. दरम्यान स्पर्धक सायली कांबळे भावूक झाली आहे. सायली कांबळे ही इंडियन आयडलच्या मंचावर गाणे गात असते. परफॉर्म करत असताना ती भावूक होते. त्यावेळी तिला काय झाले? तुझे पालक कुठे आहेत असा प्रश्न विचारण्यात आला होता. तेव्हा ती म्हणाली तिला वडिलांची खूप आठवण येते आणि गेल्या काही दिवसांपासून वडिलांशी काही बोलणे देखील झाले नसल्याचे तिने सांगितले. ते सध्या करोना रुग्णांची मदत करण्यात व्यग्र आहेत असे सायली म्हणाली. View this post on Instagram A post shared by Sony Entertainment Television (@sonytvofficial) सायलीचे बोलणे ऐकून तेथे उपस्थित असलेले सर्वजण भावूक होतात. त्यानंतर शोचा सूत्रसंचालक आदित्य नारायण तिला म्हणाला चिंता करु नकोस, कारण देव तुझे वडील करत असलेले चांगले काम पाहात आहे. 'इंडियन आयडल १२'मधील आगामी भागामध्ये सायली 'कभी आर कभी पार' आणि 'मिलो ना तुम तो हम घबराएं' या गाण्यावर परफॉर्म करणार आहे.