टेलिव्हिजनवरील सध्या चर्चेत असलेला शो 'इंडियन आयडल १२' चा सूत्रसंचालक आदित्य नारायण आणि त्याची पत्नी श्वेता अग्रवालला काही दिवसांपूर्वी करोनाची लागण झाली होती. करोनातून बरा होत असतानाच आदित्य नारायणचं वजन प्रचंड वाढलं होतं. मात्र आदित्यने मोठी मेहनत घेत अगदी कमी काळात वजन नियंत्रणात आणलं आहे. आदित्य नारायणचं हे ट्रान्सफॉर्मेशन पाहून नेटकरीदेखील थक्क झाले आहेत. करोनातून बरा झाल्यानंतर आदित्यने अवघ्या दोन महिन्यात हे ट्रान्सफॉर्मेशन घडवून आणलं आहे. आदित्यने त्याच्या इन्स्टाग्राम अकाऊंटवर दोन फोटो शेअर केले आहेत. यातील एका फोटोत आदित्यचं वाढलेलं वजन पाहायला मिळतंय. या फोटोच्या कॅप्शनमध्ये तो म्हणालाय, "१५ एप्रिल जेव्हा माझी करोना चाचणी निगेटिव्ह आली." View this post on Instagram A post shared by Aditya Narayan (@adityanarayanofficial) हे देखील वाचा: Happy Birthday Mithun Chakraborty: ‘त्या’ घटनेमुळे नक्षलवाद सोडून अभिनय क्षेत्राकडे वळाले मिथुन चक्रवर्ती तर आदित्यने शेअर केलेल्या दुसऱ्या फोटोत मोठा बदल जाणवतोय. यात त्याचं कमी झालेलं वजन स्पष्ट दिसतंय. आदित्य त्याची फिट बॉडी या फोटोत फ्लॉन्ट करताना दिसून येतोय. आदित्यचा दुसरा फोटो १५ जूनचा आहे. आदित्यच्या या फोटोला त्याच्या चाहत्यांनी तसचं अनेक सेलिब्रिटींनी मोठी पसंती दिलीय. तसंच आदित्यच्या या ट्रान्सफॉर्मेशनचं अनेकांनी कौतुक केलंय. अभिनेता विक्रांत मेस्सीने आदित्यच्या फोटोवर हटके कमेंट केलीय. "व्वा..नानू हलवाई ते नानू जलवाई" अशी कमेंट विक्रांतने केली आहे. View this post on Instagram A post shared by Aditya Narayan (@adityanarayanofficial) हे देखील वाचा: मड बाथसाठी मोजले तब्बल २० हजार, उर्वशी रौतेलाच्या ‘त्या’ फोटोवर नेटकऱ्यांच्या भन्नाट कमेंट्स आदित्य आणि त्याची पत्नी दोघांनाही करोनाची लागण झाली होती. यावेळी आदित्यची प्रकृती बिघडल्याने त्याला रुग्णालयात दाखल करण्यात आलं होतं. उपचारांनंतर आदित्यची तब्येत सुधारली. आदित्य इंडियन आयडल शोमध्ये पुन्हा परतला आहे.
