परिणीती चोप्रा आणि सिद्धार्थ मल्होत्राची जोडी पुन्हा एकदा 'जबरियाँ जो़डी' या चित्रपटाच्या माध्यमातून प्रेक्षकांच्या भेटीला येणार आहे. या रोमॅण्टिक कॉमेडी चित्रपटाचा फर्स्ट लूक नुकताच प्रदर्शित झाला असून सोशल मीडियावर त्याचीच जोरदार चर्चा आहे. एका सरप्राइज लग्नाची गोष्ट या चित्रपटातून सांगितली जाणार आहे. यामध्ये सिद्धार्थच्या भूमिकेचं नाव अभय तर परिणीतीच्या भूमिकेचं नाव बबली असं आहे. बिहारी बाबूची भूमिका साकारणाऱ्या सिद्धार्थने ट्विटरवर फर्स्ट लूक शेअर करताना लिहिलं की, 'सरप्राइज पार्टी सुने हो?..ये सरप्राइज शादी है!' पोस्टर आणि एकंदरीत दोघांचा लूक पाहून ही कथा नक्कीच रंजक असणार असा अंदाज व्यक्त केला जात आहे. SHOOTING BEGINS!! Back with Siddo @S1dharthM @balajimotionpic pic.twitter.com/5LSxZIQxiy — Parineeti Chopra (@ParineetiChopra) August 20, 2018 वाचा : विनोदवीर भारत गणेशपुरे आणि सागर कारंडे पहिल्यांदाच एकत्र झळकणार चित्रपटात प्रशांत सिंद दिग्दर्शत 'जबरियाँ जोडी' या चित्रपटाचे बालाजी टेलिफिल्म्स आणि कर्मा मिडिया एंटरटेन्मेंट सह- प्रस्तुतकर्ते आहे. याआधी २०१४मध्ये प्रदर्शित झालेल्या 'हसी तो फंसी' या चित्रपटात सिद्धार्थ- परिणीतीने एकत्र काम केलं होतं. ही जोडी तेव्हाही प्रेक्षकांना खूप आवडली होती. तेव्हा आणखी एक अनोखी कथा घेऊन पुन्हा एकत्र येणाऱ्या या जोडीचा हा चित्रपट प्रेक्षकांना कितपत आवडतो हे पाहणं औत्सुक्याचं ठरणार आहे.
