८ वर्षापूर्वी अभिनेत्री जिया खानने आत्महत्या केली होती. त्यानंतर सापडलेल्या सुसाइड नोटवरून सुरज पांचोलीला आरोपी मानण्यात आलं. आतापर्यंत या प्रकरणाबाबत कोणतीही माहिती समोर आली नाही. अखेर आठ वर्षानंतर आता या प्रकरणाची सुनावणी सीबीआय न्यायालयात होणार आहे. जिया खान मृत्यू प्रकरणी आतापर्यंत सत्र न्यायालयात हा खटला सुरू होता. त्यानंतर सत्र न्यायालयाने हे प्रकरण सीबीआय न्यायालयात वर्ग केलंय. बॉलिवूड अभिनेत्री जिया खानने ३ जून २०१३ रोजी आत्महत्या करून आपलं जीवन संपवलं. वयाच्या २५ व्या वर्षी तिने जगाचा निरोप घेतला. तिच्या मृत्यूला ८ वर्षे झाली तरी अद्याप तिच्या मृत्यूचे रहस्य उलगडलेले नाही. तिच्या आत्महत्या प्रकरणी तिचा कथित बॉयफ्रेंड सूरज पंचोलीला अटक करण्यात आली होती. सध्या सूरज जामिनावर बाहेर आहे. तेव्हापासून या प्रकरणी कोणतीही माहिती समोर आली नव्हती. तब्बल आठ वर्षांनी अखेर सत्र न्यायालयाने हे प्रकरण सीबीआय न्यायालयात वर्ग केल्याचं सांगितलं आहे. Actor Jiah Khan death case: CBI court will now hear the case pending for 8 yrs. The sessions court, which was conducting a trial against her boyfriend actor Suraj Pancholi on charges of alleged abetment, has said that the trial should be transferred to a spl CBI court (File pic) pic.twitter.com/nYeBYoulHZ — ANI (@ANI) July 30, 2021 यावरून प्रतिक्रिया देताना सूरज पांचोलीचे वकील प्रशांत पाटील म्हणाले, सत्र न्यायालयाने हे प्रकरण सीबीआय न्यायालयात वर्ग केल्याच्या निर्णयाचं आम्ही स्वागत करतो. हे प्रकरण लवकरात लवकर पुढे यावर सहा महिन्यांच्या आत निर्णय घ्यावा, अशी आम्ही यापूर्वी अनेकदा विनंती केली होती. आम्ही वेळोवेळी अर्ज केले आणि त्याचा स्विकारही करण्यात आला. परंतु हा प्रकरणात खूप उशिर झालाय. पण आता हे प्रकरण सीबीआय कोर्टात गेल्यामुळे तिथे अर्ज करून दैनंदिन आधारावर हा खटला चालवण्यासाठी अर्ज करू."