अभिनेता सुशांत सिंह राजपूत मृत्यूप्रकरणी नवनवीन खुलासे होताना दिसत आहेत. यात आता ड्रग्स हा नवा मुद्दा समोर आला असून बॉलिवूडमध्ये पुन्हा एकदा या मुद्द्यावरुन चर्चेला उधाण आलं आहे. यातच काही दिवसांपूर्वी अभिनेत्रीने कंगना रणौतने बॉलिवूडमध्ये ड्रग्सचं मोठं रॅकेट आहे असं म्हणत अनेकांच्या नजरा वेधून घेतल्या होत्या. त्यानंतर आता तिने ट्विट करत रणवीर सिंह, रणबीर कपूर या दिग्गज अभिनेत्यांनीदेखील ब्लड टेस्ट करावी असं म्हटलं आहे. त्यामुळे आता कंगनाने पुन्हा एकदा बॉलिवूड कलाकारांवर निशाणा साधल्याचं दिसून येत आहे. "रणवीर सिंह, रणबीर कपूर, अयान मुखर्जी या दिग्गज अभिनेत्यांनीदेखील त्यांची ब्लड टेस्ट करावी असं मला वाटतं. कारण सध्या रणवीर, रणबीर या अभिनेत्यांना कोकिनचं व्यसन आहे अशी अफवा पसरली आहे. त्यामुळे माझी विनंती आहे तुम्ही ड्रग्स टेस्ट करुन घ्या. जर त्यांच्या सगळ्या टेस्ट नॉर्मल आल्या. तर हेच कलाकार इतरांसाठी प्रेरणास्त्रोत ठरु शकतील, असं ट्विट कंगनाने केलं आहे. विशेष म्हणजे या ट्विटमध्ये तिने पंतप्रधान नरेंद्र मोदी यांनादेखील टॅग केलं आहे. I request Ranveer Singh, Ranbir Kapoor, Ayan Mukerji, Vicky Kaushik to give their blood samples for drug test, there are rumours that they are cocaine addicts, I want them to bust these rumours, these young men can inspire millions if they present clean samples @PMOIndia — Kangana Ranaut (@KanganaTeam) September 2, 2020 आणखी वाचा- कंगनाचा करण जोहरवर निशाणा, म्हणाली… दरम्यान, यापूर्वी कंगनाने अनेक वादग्रस्त वक्तव्य करुन अनेकांच्या नजरा वेधून घेतल्या आहेत. जर बॉलिवूडमध्ये ड्रग्स टेस्ट केली तर असंख्य कलाकारांना तुरुंगात जावं लागेल असं तिने काही दिवसांपूर्वी म्हटलं होतं. तिच्या या वक्तव्यानंतर अनेक सेलिब्रिटींनी तिच्यावर टीकास्त्र डागलं होतं. अभिनेत्री रवीना टंडननेदेखील तिला खडेबोल सुनावले होते.