टीव्ही अभिनेत्री आणि ‘बिग बॉस ९’ चे स्पर्धक किश्वर मर्चंट आणि सुयश राय यांनी चाहत्यांना आनंदाची बातमी दिली आहे. शुक्रवारी किश्वर आई झाली असून तिने मुलाल जन्म दिला आहे. किश्वर आणि सुयशने सोशल मीडियावरून ही आनंदाची बातमी चाहत्यांना दिली आहे. २७ ऑगस्टला बाळाचा जन्म झाल्याचं त्यांनी पोस्टमध्ये सांगितलंय. यानंतर अनेकजण दोघांना शुभेच्छा देत आहेत.

किश्वर आणि सुयशने नवजात बाळासोबत एक क्यूट फोटो शेअर करत ही बातमी दिलीय. या फोटोत दोघांच्या चेहऱ्यावर बाळाच्या आगमनाचा आनंद झळकत आहे. या फोटोसोबत कॅप्शनमध्ये लिहिलंय. “२७.०८.२१… बेबी रायचं स्वागत आहे. मुलगा झालाय” यासोबतच हॅशटॅगमध्ये तिने सुकिशचा बेबी असं म्हंटलंय. किश्वरच्या या पोस्टवर अनेक चाहत्यांसोबत तिच्या मित्र मैत्रिणींनी शुभेच्छा दिल्या आहेत.

पहा फोटो: श्वेता तिवारीचं बोल्ड फोटोशूट, मादक अदांवर नेटकरी घायाळ

हे देखील वाचा: भूमिकेसाठी काय पण!, ‘तारक मेहता…’मधील बापूजींना करावं लागलं तब्बल २८० वेळा टक्कल

२०१० सालापासून सुयश आणि किश्वर रिलेशनशिपमध्ये होते. २०१५ सालामध्ये त्यांनी ‘बिग बॉस’च्या नवव्या पर्वात भाग घेतला होता. २०१६ मध्ये दोघांनी लग्नगाठ बांधली. यावर्षी मार्च महिन्यात किश्वरने गरोदर असल्याची बातमी चाहत्यांसोबत शेअर केली होती.

किश्वरने तिच्या इन्स्टाग्रम अकाऊंटवर बेबी बंपमधील फोटोशूटचे काही फोटो शेअर केले आहेत. गरोदरपणातील काळ तिने चांगलाच एन्जॉय केला.