'रॉकेट सिंग- सेल्समॅन ऑफ दी इयर' या सिनेमातून बॉलिवूडमध्ये पदार्पण केलेल्या गौहर खानला कोणी ओळखत नाही असे होणे अशक्य. तिला खरी ओळख २०१२ मध्ये आलेल्या 'इश्कजादे' सिनेमापासून मिळाली. आपल्या अभिनयाने तिने सर्वांचे लक्ष आपल्याकडे वेधून घेतले. नुकतेच प्रदर्शित झालेले 'बेगम जान' आणि 'बद्रीनाथ की दुल्हनिया' या सिनेमातील गौहरच्या व्यक्तिरेखाही लक्षात राहणाऱ्या होत्या. लवकरच 'या' मालिकेतून प्रेक्षकांना नव्याने भेटणार मोनिका बेदी २३ ऑगस्ट १९८३ मध्ये पुण्यातील एका मुस्लीम कुटुंबामध्ये गौहरचा जन्म झाला. यशस्वी मॉडेल ते अभिनेत्री या प्रवासात तिने अनेक चढ-उतार पाहिले. पण तुम्हाला माहीत आहे का की २००३ मध्ये तिचा सुप्रसिद्ध दिग्दर्शक साजिद खानसोबत साखरपुडा झाला होता. हे वाचून कदाचित तुम्हाला धक्का बसेल पण हे खरंय. एका मुलाखतीत खुद्द साजिदनेच साखरपुडा झाल्याची कबुली दिली होती. गौहर आणि साजिदच्या वयात १२ वर्षांचे अंतर आहे. त्यांचा साखरपुडाही झाला होता. पण नंतर त्यांच्यात मतभेद झाले आणि साखरपुडा मोडला. गौहरचे नाव त्यानंतर अनेक अभिनेत्यांसोबत जोडले गेले. पण तिच्या नावाची सर्वाधिक चर्चा झाली ती 'बिग बॉस'च्या सातव्या पर्वातला स्पर्धक अभिनेता कुशल टंडन याच्यासोबत. दोघांचे नाते जरी फार काळ टिकू शकले नाही तरी त्यांच्या नात्याची बरीच चर्चा झाली होती. कुशलशी ब्रेकअप झाल्यानंतर तिचे नाव अभिनेता हर्षवर्धन राणेशी जोडले गेले होते. पण हर्षवर्धनने त्या दोघांमध्ये काहीही नसल्याचे आधीच स्पष्ट केले. गौहर माझी खूप चांगली मैत्रिण आहे. आम्ही एकमेकांना डेट करत असल्याची बातमी खोटी असल्याचे त्याने सांगितले होते.