कॉमेडियन आणि अभिनेता कृष्णा अभिषेकने पत्नी कश्मीरा शाहचा बोल्ड फोटो इन्स्टाग्राम अकाऊंटवर पोस्ट केला. या फोटोसोबतच त्याने लिहिलेलं कॅप्शन सध्या सोशल मीडियावर चर्चेचा विषय ठरतोय. कश्मीराने ब्लॅक लो कट मोनॉकिनीवर नुकतंच फोटोशूट केलं. त्या फोटोशूटमधील एक फोटो कृष्णाने त्याच्या अकाऊंटवर पोस्ट केला. कश्मीराच्या बोल्ड फोटोच्या कॅप्शनमध्ये कृष्णाने लिहिलं, 'जेव्हा तुमच्या घरी बिर्याणी असेल तर तुम्हाला बाहेरची दाल मखनी का हवी असेल? तू तुझ्या 'हॉट' अंदाजात परतली आहेस. कश्मीरा तुझ्यावर मला खूप अभिमान आहे.' View this post on Instagram When you have Biryani at home why will you want Dal Makhani outside? So proud of you kash you are back to your hot self @kashmera1 #wife #hotness #kashisback A post shared by Krushna Abhishek (@krushna30) on Nov 2, 2020 at 12:13am PST 'टाइम्स ऑफ इंडिया'ला दिलेल्या एका मुलाखतीत कश्मीराने सांगितलं होतं की कृष्णाला तिच्या बोल्ड फोटोशूटवर आक्षेप नसतो. "माझ्या हॉट आणि बोल्ड अंदाजावरच कृष्णा फिदा झाला होता आणि पती-पत्नीच्या नात्यात शारीरिक आकर्षण हे खूप महत्त्वाचं असतं. मी त्याच्या विनोदबुद्धीकडे आकर्षित झाले होते. सोशल मीडियावर बोल्ड फोटो पोस्ट करण्यावर किंवा बोल्ड फोटोशूट करण्यावर त्याचा कधीच आक्षेप नसतो", असं तिने सांगितलं होतं. २००७ मध्ये प्रदर्शित झालेल्या 'पप्पू पास हो गया' या चित्रपटाच्या शूटिंगदरम्यान कश्मीरा व कृष्णा एकमेकांच्या प्रेमात पडले. २०१३ मध्ये लास वेगासमध्ये दोघांनी गपचुप लग्न केलं.