देशभरातील लोक सध्या करोना विषाणूमुळे त्रस्त आहेत. या प्राणघातक विषाणूची लागण होऊ नये म्हणून सरकारने मास्कचा वापर करणे अनिवार्य केले आहे. परिणामी मास्कची मागणी आणि किंमत यांच्यात कमालीची वाढ झाली आहे. परंतु आता मास्कवर अतिरिक्त पैसे खर्च करण्याची गरज नाही. कारण अभिनेता इंद्रान्स यांनी घरबसल्या मास्क तयार करण्याचा एक सोपी टेकनिक सांगितली आहे. त्यांनी एका व्हिडीओमार्फत माक्स तयार करण्याची सोपी पद्धत सांगितली आहे. इंद्रान्स हे दाक्षिणात्य सिनेसृष्टीतील नामवंत अभिनेता आहेत. केरळ सरकारने करोना विरोधात पुकारलेल्या 'ब्रेक द चैन' या अभियानात त्यांनी भाग घेतला आहे. त्यांनी यापूर्वी पंतप्रधान सहाय्यता निधीला आर्थिक मदत केली होतीच, पण आता देशभरातील लोकांना ते घरबसल्या मास्क तयार करण्याची सोपी पद्धत शिकवत आहेत. त्यांनी फेसबुकवर एक व्हिडीओ पोस्ट केला आहे. या व्हिडीओमध्ये त्यांनी स्पेट बाय स्टेप मास्क तयार करण्याची टेकनिक सांगितली आहे. इंद्रान्स हे दाक्षिणात्य सिनेसृष्टीतील नामवंत अभिनेता आहेत. 'अंडर द ट्री', 'सीआडी', 'सॉल्ट मँगो ट्री', 'काडू पुक्कूना नेरम' यांसारख्या अनेक सुपरहिट चित्रपटांमध्ये त्यांनी काम केले आहे. विशेष करुन त्यांना विनोदी अभिनयासाठी ओळखले जाते. अभिनयसृष्टीत येण्यापूर्वी ते कपडे शिवण्याचे काम करत होते. वेशभूषाकार म्हणून त्यांनी सिनेसृष्टीत पदार्पण केले. आज ते दाक्षिणात्य सिनेसृष्टीतील आघाडिच्या कलाकारांपैकी एक म्हणून ओळखले जातात.
