वर्कआऊट करणं आणि त्यात सातत्य ठेवणं सहजसोपं नसतं. तेसुद्धा वयाच्या ८१ व्या वर्षी. बसला ना तुम्हालाही आश्चर्याचा धक्का? अभिनेता व मॉडेल मिलिंद सोमणची आई उषा सोमण या ८१ वर्षांच्या आहेत. या वयातही त्यांचा उत्साह तरुणांनाही लाजवेल असा आहे. त्या कधी सुनेसोबत लंगडी खेळताना दिसतात तर कधी मुलासोबत दोरीवरच्या उड्या मारताना दिसतात. उषा सोमण या नेटकऱ्यांसाठी नवीन आदर्श ठरतायत. मिलिंद सोमणने आईसोबत दोरीवरच्या उड्या मारतानाचा व्हिडीओ इन्स्टाग्रामवर पोस्ट केला आहे. 'हे तिच्यासाठी नवीन नाही पण माझ्यासाठी नवीन आहे. लॉकडाउनमध्ये तुम्ही एकमेकांना नव्या गोष्टी शिकवाव्यात', असं कॅप्शन त्याने या व्हिडीओला दिलं आहे. साडी नेसलेल्या उषा सोमण यांचा हा उत्साह भल्याभल्यांना लाजवणारा आहे. वय हा फक्त एक आकडा असतो, हे त्यांनी पुन्हा एकदा सिद्ध करून दाखवलंय. आणखी वाचा : बापलेकीची जुगलबंदी; सचिन व श्रिया पिळगावकरच्या व्हिडीओला नेटकऱ्यांची पसंती मिलिंदने पोस्ट केलेल्या या व्हिडीओवर लाइक्स व कमेंट्सचा वर्षाव होत आहे. उषा सोमण यांचा हा उत्साह खरंच कौतुकास्पद आहे, अशा प्रतिक्रिया नेटकऱ्यांनी दिल्या आहेत.
