कोणीतरी साखरपुड्याविषयीचा प्रश्न विचारावा अशी माझी अपेक्षा होती- मानुषी छिल्लर

‘इंडिया टाईम्स’च्या मुलाखतीत मानुषीला तिच्या खासगी आयुष्याविषयी, साखरपुड्याविषयी प्रश्न विचारण्यात आला. त्याचेच उत्तर देत ती म्हणाली, ‘बऱ्याच लोकांनी माझ्या साखरपुड्याविषयीचे प्रश्न विचारले होते. किंबहुना कोणा एका मुलासोबत माझे नातेही जोडले गेले होते. त्यामुळे यासंबंधीचा प्रश्न मला मुलाखतींमध्ये विचारला जावा, अशी माझी अपेक्षा होती. कारण, इंटरनेटवर उपलब्ध असलेल्या माहितीतही त्या व्यक्तीविषयी नमूद करण्यात आलं आहे. हे खरंतर हास्यास्पद आहे. कारण, मलाही ती व्यक्ती कोण हेच ठाऊक नाहीये.’

https://www.instagram.com/p/BcCCO-UDR8D/

मानुषीने अखेर तिच्या खासगी आयुष्यावरुन पडदा उचलला आहे. ‘मी अवघ्या २० वर्षांची आहे. माझा साखरपुडा वगैरे झालाय असे वाटते तरी का?’, असा प्रश्न तिने उपस्थित केला. त्याशिवाय, ‘मला खरंतर त्या व्यक्तीला (होणाऱ्या काल्पनिक पतीला) भेटायचे आहे. कारण, त्याने माझ्या आईवडिलांचे काम अधिकच सोपे केले’, असे उपरोधिक वक्तव्यही तिने केले. सध्याच्या घडीला विविध प्रकारच्या प्रश्नांना मानुषी ज्या अंदाजात उत्तरे देत आहे, ते पाहता अनेकांनीच तिची प्रशंसाही केली आहे. बॉलिवूडमध्ये पदार्पण करत कलाविश्वात करिअर करण्याचा तिचा कोणताच विचार नसून, वैद्यकिय क्षेत्रात करिअर करण्याचा तिचा मानस आहे.

वाचा : जाणून घ्या मिस वर्ल्ड मानुषी छिल्लरचा ‘डाएट प्लॅन’

https://www.instagram.com/p/Bb7-dsyjXUs/