…तर महाराष्ट्रात ‘यशराज’च्या चित्रपटांचे चित्रीकरण होऊ देणार नाही- अमेय खोपकर

सुरुवातीपासूनच खोपकरांनी आक्रमक पवित्रा घेत महाराष्ट्रात हिंदी निर्मात्यांची मुजोरी खपवून घेतली जाणार नाही, असे वक्तव्य केले. कोणत्याही मराठी चित्रपटासोबत स्क्रीन्स शेअर न करण्याचा यशराज फिल्म्सचा डाव उधळून लावण्याचा इशाराच यावेळी खोपकर यांनी दिला. त्यासोबतच जर का ही मुजोरी कायम राहिली तर, महाराष्ट्रात यशराजच्या निर्मिअंतर्गत साकारल्या जाणाऱ्या चित्रपटांचे चित्रीकरण होऊ दिले जाणार नसल्याचेही त्यांनी सांगितले.

महाराष्ट्रात मराठी चित्रपटांनाच स्क्रीन्स मिळवण्यासाठी इतरांसमोर हात पसरण्याची वेळ येणं ही एक शोकांतिकाच आहे, असे म्हणत खोपकर यांनी आपले मत मांडले. ‘टायगर जिंदा है’ या चित्रपटाला आपला विरोध नसून यशराज फिल्म्स या निर्मिती संस्थेला मात्र आपला तीव्र विरोध असल्याचे त्यांनी ठणकावून सांगितले. मनसे नेत्या शालिनी ठाकरे यांनी मराठी चित्रपटांच्या प्राइम टाइमचा मुद्दा अधोखित करत हिंदीप्रमाणेच मराठी चित्रपटांनाही अपेक्षित स्क्रीन्स उपलब्ध करुन द्यावेत, अशी मागणी केली होती. वृत्तसंस्थेशी बोलताना त्यांनी आपण कोणालाही धमकावत नसल्याचेही स्पष्ट केले. पण, काही ठिकाणी मात्र मनसेने ‘टायगर जिंदा है’चा विरोध करत चित्रपट निर्मात्यांना धमकावल्याचे वृत्त प्रसिद्ध केले. याकडेच लक्ष वेधत, ‘हो आम्ही चित्रपटाच्या निर्मिती संस्थेला धमकी दिली’, असे म्हणत खोपकर यांनी आक्रमक भूमिका घेतली. सांस्कृतिक मंत्री विनोद तावडेंसोबत आपले याविषयी बोलणे झाले असून, आता पुढे मल्टिप्लेक्सच्या मालकांसोबतही आम्ही चर्चा करणार असल्याचे खोपकर यांनी स्पष्ट केले.

सनी लिओनीच्या कार्यक्रमात सुरक्षा पुरवण्यास पोलिसांचा नकार, आयोजकांची न्यायालयात धाव

चित्रपटाच्या मुद्दावरुन सध्या सुरु असणाऱ्या अभिनेता अंकुश चौधरीनेही आपले मत मांडले. सुरु असणारे वाद आणि ही एकंदर परिस्थिती पाहता अशा प्रकारची प्रसिद्धी करण्याची आमची अजिबात इच्छा नव्हती, असे तो म्हणाला.