छोटा पडदा कधीच सोडणार नाही- मौनी रॉय

‘नागिण २’ मालिकेतील मौनीच्या भूमिकेला प्रेक्षकांची विशेष पसंती मिळाली होती. या मालिकेमुळेच सोशल मीडियावरही तिच्या फॉलोअर्सचा आकडा वाढला. त्यामुळे त्यामुळे बॉलिवूडमध्ये गेल्यानंतर तिला छोट्या पडद्यावर पाहायला मिळणार नाही असे अनेकांना वाटत होते. ‘हिंदुस्तान टाईम्स’ या वृत्तपत्राला दिलेल्या मुलाखतीत मौनी म्हणाली की, ‘टेलिव्हिजनमधूनच माझी प्रगती झाली. आज मी जेथे आहे ते सर्व छोट्या पडद्यामुळे आहे. त्यामुळे मी छोटा पडदा कधीही सोडणार नाही.’

वाचा : वडिलांच्या निधनाची बातमी ऐकताच गरोदर सेलिना दुबईहून भारतात परतली

https://www.instagram.com/p/BVRYJDyAdS0/

https://www.instagram.com/p/BUgVK8XARPV/

माझे आयुष्य मला छोट्या पडद्याने दिले आहे असे सांगताना ती पुढे म्हणाली की, ‘चित्रपटांमध्ये काम करायची आवड असल्याने मी बॉलिवूडमध्ये पदार्पण करत आहे. माझे अभिनय कौशल्य मला आणखी खुलवायचे आहे. चित्रपटांमधील माझ्या भूमिकांना मला जगायचे आहे. मात्र छोट्या पडद्याने मला सर्वस्व दिले आहे.’ मौनीच्या या निर्णयाने तिच्या चाहत्यांना नक्कीच आनंद झाला असेल. लवकरच ‘नागिण’ चा मालिकेचे तिसरे पर्व प्रेक्षकांच्या भेटीला येणार असून यामध्ये मौनी मुख्य भूमिका साकारताना दिसणार आहे.