संगीतकार श्रवण राठोड यांचे करोनामुळे निधन

नव्वदच्या दशकात आपल्या सुमधूर संगीताने एका पिढीला प्रभावित करणाऱ्या संगीतकार नदीम-श्रवण जोडगोळीतील संगीतकार श्रवण राठोड यांचे गुरुवारी रात्री करोनाने निधन झाले. ते ६६ वर्षांचे होते. श्रवण यांना काही दिवसांपूर्वी करोनाची लागण झाली होती. करोनावरील उपचारासाठी त्यांना माहीम येथील एल. एस. रहेजा रुग्णालयात दाखल करण्यात आले होते. उपचार सुरू असतानाच त्यांचे निधन झाले.