बॉलिवूड अभिनेत्री नरगिस फाकरीने पहिल्यांदाच उदय चोप्रासोबत असलेल्या रिलेशनशिपबद्दल खुलासा केलाय. ईटीटाइम्सला दिलेल्या मुलाखतीत नरगिसने बऱ्याच वर्षांनंतर तिच्या आणि उदय चोप्राच्या रिलेशनशिपबद्दल खुलासा केला आहे. काही वर्षांपूर्वी उदय चोप्रा आणि नरगिस फाकरीच्या अफेअरच्या अनेक चर्चा रंगल्या होत्या. अनेकदा त्यांना एकत्र स्पॉटही करण्यात आलं होतं. मात्र दोघांनीदेखील जाहीरपणे त्यांच्या नात्याची कबुली दिली नव्हती.
नरगिस फाकरीने नुकतीत ईटीटाईम्सला मुलाखत दिली. या मुलाखतीत “उदय आणि मी 5 वर्षे एकमेकांना डेट करत होतो, भारतात भेटलेला तो सर्वात सुंदर व्यक्ती होता.”असं ती म्हणाली. तर अनेकांनी रिलिशनशिपबद्दल जाहीरपणे न बोलण्याचा सल्ला दिला होता ज्याबद्दल आता मात्र खूप खंत वाटत असल्याचं नरगिस म्हणाली.
या मुलाखतीत नरगिस म्हणाली, “ते सुंदर नातं मी जगासमोर लपवून ठेवल्याची मला खंत वाटतेय. त्यावेळी मी खरतंर एखाद्या उंच पर्वतांवर जाऊन मी एका खूप सुंदर व्यक्तीसोबत असल्याचं सगळ्यांना ओरडून सांगायला हवं होतं. इंटरनेट आणि सोशल मीडिया हे सर्व फेक आहे. इथं सत्य काय हे लोकांना कळत नाही. आपण बऱ्याचदा चुकीच्या आणि वाईट लोकांना देखील आदर्श मानू लागतो.” असं नरगिस म्हणाली.
View this post on Instagram
हे देखील वाचा: सिनेमा चालले नसते तर पार्ट्यांमध्ये ‘हे’ काम करण्यासाठी तयार होता आयुष्मान खुराना
२०१४ सालामध्ये नरगिस फाकरी आणि उदय चोप्रा यांच्या अफेअरच्या चर्चा रंगू लागल्या होत्या. उदयासोबत ब्रेकअप झाल्यानंतर नरगिस जस्टिन संटोसला डेट करत असल्याच्या चर्चा होत्या.
