आपल्या हॉट आणि बोल्ड लूकमुळे नेहमीच चर्चेत राहणारी अभिनेत्री आणि मॉडेल पूनम पांडे सध्या 'संस्कारी लूक'मध्ये दिसतेय. सध्या सर्वत्र गणेशोत्सवाचे आनंदी वातावरण असल्यामुळे पूनमही या सणाचe पुरेपूर आनंद लुटत आहे. यादरम्यान पूनम पांडेचा अनोखा लूक पाहायला मिळतोय. गणेशोत्सव सर्वांच्याच आवडीचा सण आहे. सेलिब्रिटीसुद्धा हा सण अगदी उत्साहाने साजरा करतात. मग यात पूनम तरी कशी मागे राहिल. गणेश भक्त असलेल्या पूनमने नुकताच सोशल मीडियावर तिचा एक फोटो शेअर केला. गणपतीच्या दर्शनाला गेलेली पूनम यात पारंपरिक पोशाखात दिसते. तिने मोती रंगाचा लांब पायघोळ ड्रेस यात घातलेला दिसतो. अंधेरी येथील सार्वजनिक गणेशोत्सव मंडळास तिने भेट दिलेली. यावेळी तिने बाबा राम रहिमला मिळालेल्या शिक्षेवरही प्रतिक्रिया दिली. वाचा : "सोशल मीडियावरील चर्चांचा 'पहरेदार पिया की'ला फटका" पूनम नेहमीच हॉट लूकमध्ये दिसते. आपले अनेक बोल्ड फोटो शेअर करणाऱ्या पूनमचा यावेळचा संस्कारी लूक मात्र नेटिझन्सना फारसा आवडलेला दिसत नाही. त्यामुळेच सोशल मीडियावर तिच्या या संस्कारी लूकची खिल्ली उडवली जात आहे. तसेच, अर्वाच्च भाषेत तिला शिवीगाळ करणाऱ्या प्रतिक्रियाही देण्यात आल्या आहेत. वाचा : सोनाक्षी कोणाला जीवे मारण्याचा बेत आखतेय? काही युजर्सने फोटोवर मजेशीर प्रतिक्रिया दिल्याचेही पाहायला मिळतेय. एका युजरने लिहिले की, ‘संस्कारी पूनम हे पचवायला जरा जड जातेय.’ तर एकाने ‘तुला पूर्ण कपड्यांमध्ये बघून आम्ही दंग झालो.’ असे लिहिलेय.
