छोट्या पडद्यावरील अतिशय लोकप्रिय अभिनेत्रींच्या यादीमधील एक नाव म्हणजे रश्मी देसाई. ‘उतरन’ या मालिकेतून रश्मी घराघरात पोहोचली. आज तिचा चाहता वर्ग देखील मोठा आहे. रश्मी सोशल मीडियाच्या माध्यमातून चाहत्यांशी संवाद साधताना दिसते. ती सतत तिचे फोटो आणि व्हिडीओ शेअर करताना दिसते. नुकताच रश्मीने पोस्ट केलेला एक व्हिडीओ चर्चेत आहे. या व्हिडीओमूळे तिला ट्रोल देखील केले जात आहे.

रश्मीने तिच्या इन्स्टाग्राम अकाऊंटवर शेअर केलेल्या व्हिडीओमध्ये आकाशी रंगाच्या शॉर्ट स्कर्ट आणि टॉप परिधान केला आहे. या हॉट ड्रेसमधील तिचा डान्स पासून तिला सोशल मीडियावर मोठ्या प्रमाणारवर ट्रोल केले जात आहे.

आणखी वाचा : करीना कपूर खान पोहोचली नानावटी रुग्णालयात, काय आहे नेमकं कारण?

एका नेटकऱ्याने ‘कुठे जायचा विचार करत आहेस रश्मी. लाज आहे की विकलीस. ग्लॅमरचा अर्थ असा नाही की तू काहीही परिधान करु शकतेस. तू माझी आवडती अभिनेत्री होतीस पण आता नाहीस’ असे म्हणत तिला सुनावले आहे. तर दुसऱ्या एका यूजरने ‘बाहेर करोना आहे घरात रहा’ असे म्हणत तिला ट्रोल केले आहे.

रश्मी ही सतत कोणत्या ना कोणत्या कारणामुळे चर्चेत असते. ती ‘बिग बॉस’ या रिअॅलिटी शोमध्ये देखील दिसली होती. तिने अनेक मालिकांमध्येही काम केले आहे.