ज्येष्ठ अभिनेते ऋषी कपूर नेहमीच त्यांच्या वादग्रस्त ट्विट्समुळे चर्चेत असतात. या ट्विट्समुळे अनेकदा ते ट्रोलही झाले. प्रसिद्ध अमेरिकी पॉपस्टार बियॉन्सेच्या एका फोटोची खिल्ली उडवल्याने ते पुन्हा एकदा ट्विटरवर ट्रोल झाले. तिच्या गरोदरपणातील फोटोची तुलना फुलदाणीशी केल्याने नेटकऱ्यांनी त्यांच्यावर टीकेचा भडीमार केला.
ऋषी कपूर यांनी ट्विटरवर एक मीम पोस्ट केले. यामध्ये एका बाजूला बियॉन्सेचा गरोदरपणातील फोटो तर दुसरीकडे फुलदाणी पाहायला मिळत आहे. या मीमच्या कॅप्शनमध्ये त्यांनी लिहिले की, ‘फुल खिले है गुलशन गुलशन!’ यावरूनच ट्विटरकरांचा पारा चढला. गरोदर महिलेची अशा प्रकारे थट्टा करणे तुम्हाला शोभते का?, असा सवालही एका नेटकऱ्याने केला.
Phool Khilen hain Gulshan Gulshan! pic.twitter.com/MtpnVPujoB
— Rishi Kapoor (@chintskap) November 20, 2017
Objectifying the women – shame shame sir ji – she is having a flower in her womb and u r comparing her with a flower pot – shame shame –
— An Indian (@bangaatul) November 21, 2017
Rishi ji, u shouldn't disrespect women, at least not expected from u!
— lyarikarapper (@jadkkhan) November 21, 2017
ट्विटवरून ट्रोलला सामोरे जाण्याची त्यांची ही काही पहिलीच वेळ नाही. काही दिवसांपूर्वीच जम्मू- काश्मीरचे माजी मुख्यमंत्री फारुख अब्दुल्ला यांनी पाकव्याप्त काश्मीरसंदर्भात केलेल्या वक्तव्याचे ऋषी कपूर यांनी ट्विटरवर समर्थन केल्याने नेटकऱ्यांनी टीका केली होती. पाकव्याप्त काश्मीर (पीओके) हा पाकिस्तानचा भाग असून, त्याला पाकपासून कोणीही हिरावून घेऊ शकत नाही, असे वादग्रस्त विधान फारुख अब्दुल्ला यांनी केले होते. त्यावर ट्विट करत ऋषी कपूर यांनी त्यांचे समर्थन केले होते.
Krk ka account suspend ho gya to aap uski jgah loge ye glat baat h
— Akash Deep (@akashdeepnira) November 21, 2017
Waht the shit is this. U r making fun of a Lady on Social Media… Sir we dnt expect it frm u
— RaJNiSH (@Rj6117) November 20, 2017
