#MeToo : मराठी असण्याचा प्रश्न नाही; जे चूक आहे ते चूकच आहे- सई ताम्हणकर

सईने ट्विटरवर लिहिलेली पोस्ट-

‘का एवढा राग? कारण जेव्हा एखादी व्यक्ती बलात्कार झाल्याचा आरोप करते, तेव्हा सर्वांत आधी आपण पुराव्यांची मागणी करतो. यावरूनच आपली मानसिकता कशी आहे, हे दिसून येते. यामध्ये मराठी असण्याचा किंवा नसण्याचा प्रश्न नाही. जे चुकीचं आहे ते चुकीचंच आहे, मग ती चूक करणारी व्यक्ती कोणीही असो. काही महिला या मोहिमेच्या माध्यमातून चुकीचे आरोपसुद्धा करत आहेत. त्यांना मी सांगू इच्छिते की, या मोहिमेला भरकटवू नका.’

Tweethearts as u saw I’m deeply moved and disturbed and angry with what’s happening around.putting an end to it with this. #MeeToo #MeeTooIndia #TimesUp pic.twitter.com/hwlE0GxbzE

— Sai (@SaieTamhankar) October 10, 2018

‘ज्या काही घटना समोर येत आहेत, आजूबाजूला जे घडतंय, ते पाहून मला खूप मोठा धक्का बसला आहे. या घटनांवर लोक कसे विचार करतात, ते पाहून अधिक दु:ख होतं. #MeToo मुळे बदलाचे वारे वाहू लागलेत असं मला वाटतं. महिला किंवा पुरुष असो, लैंगिक शोषण हे थांबलंच पाहिजे.’

तुम्ही कधीच शांततापूर्ण आयुष्य जगू शकणार नाही, तुम्ही नरकातच सडणार असं ट्विट करत सईनं विनता नंदा आणि मी टू मोहिमेला पाठिंबा दर्शवला. तसेच एका वृत्तपत्राला दिलेल्या मुलाखतीत सईनं तनुश्री दत्तालाही पाठिंबा दर्शवला आहे. तनुश्रीनं नाना पाटेकर यांच्यावर जे काही आरोप केले आहेत ते ऐकून मला धक्का बसला आहे. मात्र तिच्या आरोपात तथ्य असेल तर नाना पाटेकर यांच्यावर कठोर कारवाई झालीच पाहिजे असंही ती म्हणाली आहे.