“हिरन डेव्हिल के पिछे डेव्हिल हिरन के पिछे… टू मच फन”, मीराबाईसोबतच्या फोटोमुळे सलमान खान ट्रोल

सलमान खानने मीराबाई चानूच्या भेटीचा एक फोटो त्याच्या इन्स्टाग्राम अकाऊंटवर शेअर केला आहे. फोटो शेअर करत सलमानने मीराबाईला शुभेच्छा दिल्या आहेत. या फोटोमध्ये सलमान खानच्या गळ्यामध्ये एक मणिपुरी स्कार्फ दिसून येत आहे. सलमान खानच्या गळ्यातील या स्कार्फवरील एका चित्राने नेटकऱ्यांचं लक्ष वेधून घेतलं आहे. हा स्कार्फ सलमानला मीराबाईने भेट म्हणून दिल्याचा अंदाज लावला जात आहे. मात्र या स्कार्फवर काळ्या हरणांचं चित्र पाहायला मिळतंय. त्यामुळे सलमान खानच्या या स्कार्फवर हरणांचं चित्र दिसतात नेटकऱ्यांनी त्याला ट्रोल करण्यास सुरुवात केली आहे.

हे देखील वाचा: “माझी इच्छा होती की मला एक मुलगी असावी आणि मी तिला…”;मलायका अरोराने व्यक्त केली खंत

 

View this post on Instagram

 

A post shared by Salman Khan (@beingsalmankhan)

काळवीट शिकार प्रकरणात गेल्या अनेक वर्षांपासून सलमान खानला न्यायालयीन प्रकरणात अडकल्याच अनेकांना ठाऊक आहे. त्यामुळेत स्कार्फवर हरण पाहताच नेटकऱ्यांनी कमेंट करत निशाणा साधण्यास सुरुवात केली. एक युजर म्हणाला, ” भाईच्या शॉलवर हरण”. तर दुसरा म्हणाला, “काही दिसलं काया फोटत” तर आणखी एक नेटकरी म्हणाला, “हिरण डेव्हिल के पिछे और डेव्हिल हिरणने पिछे…टू मच फन”

तर सलमान खानच्या काही चाहत्यांनी मात्र स्कॉर्फवरील प्राणी काळवीट नसून मणिपुरचा राष्ट्रीय प्राणी संगई असल्याचं म्हंटलं आहे.

हे देखील वाचा: “काय केलं होतं आणि काय झालं”; बिग बी अमिताभ बच्चन यांचा व्हिडीओ व्हायरल

मीराबाई चानूने भारतासाठी रौप्य पदक जिंकल्यानंतरही सलमान खानने तिचं अभिनंदन केलं होतं. ट्विटरवर तिचं अभिनंदन करताना सलमानने लिहिलं होतं की, “आज देशाची सुपरस्टार बनल्याबद्दल मीराबाई चानूचं खूप खूप अभिनंदन…आपण आम्हाला अभिमानास्पद केले आहे. आपण तर खऱ्या दबंग आहात.” असं तो म्हणाला होता.