अभिनेता सिद्धार्थ चांदेकर अभिनेत्री मिताली मयेकरशी लवकरच लग्नगाठ बांधणार असून लग्नापूर्वीच्या कार्यक्रमांना सुरुवात झाली आहे. या दोघांची जिवलग मैत्रीण ईशा केसकरने सिद्धार्थ-मितालीचं पहिलं केळवण केलं. ईशा व तिचा बॉयफ्रेंड ऋषी सक्सेना यांनी मिळून सिद्धार्थ-मितालीचं एकत्र केळवण केलं. सिद्धार्थ आणि मितालीने सोशल मीडियावर या केळवणाचे फोटो पोस्ट केले आहेत. लग्नाआधी वधू-वरांसाठी केलं जाणारं केळवण हे तर सगळ्यांनी एकत्र भेटण्याचं निमित्त असतं. वधू-वरांच्या आवडीचे पदार्थ करून जेवणासाठी पाहुण्यांकडे आमंत्रित केलं जातं. त्यानंतर एखादी भेटवस्तू देऊन लग्नाबाबत शुभेच्छा दिल्या जातात. लग्नाच्या तयारीची खरी तर सुरुवात या केळवणापासून सुरू होते. पाहा फोटो : दृष्ट न लागो! मराठी कलाकारांच्या देखण्या जोड्या २०१९ मध्ये सिद्धार्थ-मितालीचा साखरपुडा पार पडला. गेल्या तीन वर्षांपासून हे दोघं एकमेकांना डेट करत आहेत. नवीन वर्षात लग्नगाठ बांधत सिद्धार्थ आणि मिताली आयुष्याच्या नव्या प्रवासाला सुरुवात करणार आहेत.