सोशल मीडियावर कधी काय व्हायरल होईल हे सांगता येत नाही. मागच्या काही दिवसांपासून सोशल मीडियावर 'ओ शेठ' हे गाणं धुमाकूळ घालताना दिसत आहे. जिकडे पाहावं तिकडे सर्वांचं स्टेटस, रिल्स आणि इतर ठिकाणी 'ओ शेठ' हे गाणं ऐकायला मिळतंय. पण यासोबतच सोशल मीडियावर या गाण्याचा थेट संबंध पंतप्रधान नरेंद्र मोदींशी देखील जोडला जातोय. मात्र या गाण्याचा पंतप्रधान नरेंद्र मोदींशी खरंच काही संबंध आहे का? हे गाणं कसं तयार झालं? त्यामागील संकल्पना काय आहे? या आणि अशा अनेक प्रश्नांची उत्तरं निर्मात्यांनी 'लोकसत्ता ऑनलाइन'ला दिलेल्या विशेष मुलाखतीत दिली आहेत. अशा अनेक मुलाखती पाहण्यासाठी 'लोकसत्ता ऑनलाइन'चे यूट्यूब चॅनेल 'Loksatta Live'ला नक्की भेट द्या..