सनीचा नवा ध्यास, परदेशात लावलाय अभ्यासाचा क्लास!

सनीने पुन्हा अभ्यासाचे धडे गिरविण्याचा ध्यास घेतला असून ती स्वत:ला अपडेट करण्यासाठी विशेष शिक्षण घेणार आहे. सनी संपादन आणि पटकथा लेखन शिकण्यासाठी विशेष कोर्स करण्याचे ठरविले आहे. हे प्रावीण्य संपादन करण्यासाठी तिने लॉस एंजेलिसमधील एका प्रसिद्ध संस्थेत प्रवेश घेतला असून तिच्या क्लासमध्ये हॉलिवूडमधील दिग्गजांचा समावेश आहे. ‘रईस’ चित्रपटातील आयटम गाण्यावर ठिरकल्यानंतर ती सध्या चित्रपटाच्या तांत्रिक गोष्टीबाबत स्वत:ला अपडेट करण्याचा प्रयत्न करते आहे. स्क्रिप्ट रायटिंग आणि एडिटिंगच्या कोर्सविषयी सनी म्हणाली की, बऱ्याच दिवसांपासून मला या गोष्टी शिकण्याची इच्छा होती. पण वेळ नसल्यामुळे मी ही गोष्ट पूर्ण करु शकत नव्हते. नवीन काही तर शिकण्याची इच्छा आता पूर्ण होत असून पुन्हा शाळेत जाण्यासाठी मी उत्सुक आहे.”

सनी लिओनीच्या या इच्छेमुळे तिच्यात अभिनयाशिवाय अन्य गोष्टी शिकण्याची जिज्ञासा दिसून येते. सनीच्या बॉलिवूडप्रवासाबद्दल बोलायचे तर सलमान खान सूत्रसंचालन करत असलेल्या बिग बॉसच्या व्यासपीठावरुन तिच्यासाठी बॉलिवूडचे दरवाजे उघडले. काही चित्रपटात काम केल्यानंतर प्रत्येक दिग्दर्शक आपल्या चित्रपटातील आयटम साँगमध्ये सनीच्या नावाला निश्चितच प्राधान्य देतो. यावरुन बॉलिवूडमध्ये सनीला चांगलीच मागणी असल्याचे दिसते. नव्या अभ्यासातून ती चित्रपटसृष्टीत आणखी एक पाऊल पुढे टाकण्याची तयारी करायला लागली आहे, असेच म्हणावे लागेल.