ब्रेकअपनंतरच त्याच्या करिअरला उतरती कळा; कपिलच्या एक्स गर्लफ्रेंडचा खुलासा

प्रसारमाध्यमांना शिवीगाळ करणारे ट्विट हे कपिलने केले नसून, कोणा दुसऱ्या व्यक्तीने त्याचा फोन वापरत केल्याचा संशयही तिने व्यक्त केला. ‘कपिल ज्या पत्रकाराचा उल्लेख करत आहे, त्याला मी ओळखतसुद्धा नाही. तो जेव्हा नैराश्यात होता, तेव्हा त्याचे मित्र किंवा कथित प्रेयसी गिन्नी छत्रथने त्याची साथ का दिली नाही? जेव्हा आम्ही रिलेशनशीपमध्ये होतो, तेव्हा वैयक्तिक आणि व्यावसायिक गोष्टी व्यवस्थित हाताळल्या जात होत्या. मात्र, आम्ही वेगळे झाल्यानंतर त्याच्या करिअरला उतरती कळा लागली,’ असं ती म्हणाली.

Some people just want to defame you for few bucks but it will take ages to make a stand against the wrong.. I shall do it today n forever.. pic.twitter.com/Vg8bJoWwhF

— Kapil Sharma (@KapilSharmaK9) April 7, 2018

‘कपिलला मी गेल्या आठ वर्षांपासून ओळखते. मात्र आज माझ्यासमोर एक वेगळाच कपिल उभा आहे. तो खूप बदलला आहे आणि यासाठी त्याच्यासोबत असणाऱ्या लोक जबाबदार आहेत. त्याला प्रत्येक अडचणींतून मी वाचवलं आहे. तेव्हा एकही शूटिंग रद्द झाली नव्हती. त्याचा शो लोकप्रिय होता आणि तो सुद्धा खूप खूश होता. याउलट आता वेगळीच परिस्थिती आहे,’ असंही तिनं सांगितलं.

वाचा : अनुष्का शर्माला ‘दादासाहेब फाळके पुरस्कार’

नीती सिमोईस आणि प्रिती सिमोईस या दोघी २०१६-१७ मध्ये कपिलची सर्व महत्त्वाची कामं पाहायच्या. मात्र, प्रसारमाध्यमांसमोर कपिलची प्रतिमा नीट सादर न केल्याप्रकरणी, वेळेवर काम न केल्याप्रकरणी त्यांना नोकरीवरून काढून टाकल्याचं त्याने तक्रारीत म्हटलं होतं. सध्या या दोघी सुनील ग्रोवरच्या नव्या शोसाचं काम पाहतात. कपिलचा वाद ज्याच्यासोबत झाला, त्या सुनीलसोबत या दोघींनी हातमिळवणी केल्याप्रकरणी बरेच तर्कवितर्क लावले जात होते.