मदतीचा हात पुढे करुनही अक्षय कुमार पिछाडीवर, पाहा लोकप्रियतेत कोणी केली मात

एका लोकप्रिय पोर्टलने केलेल्या सर्वेक्षणानुसार, सलमान खान स्टार रँकिंगमध्ये पहिल्या स्थानावर आहे. लोकप्रियतेच्या निकषांवर या यादी बनवण्यात आली आहे. या यादीत अक्षय कुमार दुसऱ्या स्थानावर आहे. मात्र तरी सलमानच्या तुलनेत गुणांनी खूपच मागे आहे. अक्षय कुमारला ८८७ गुण असून सलमान १७१८ गुणांवर आहे.

लहानांपासून मोठ्यांपर्यंत सलमानचे चाहते जगभरात आहेत. तरुणांमध्येही त्याची क्रेझ पाहायला मिळते. त्यामुळे ब्रँड सर्किटमध्येही त्याचं नाव प्रसिद्ध आहे. नुकत्याच एका आघाडीच्या कोल्ड्रिंक्सच्या ब्रँडसाठी त्याला अॅम्बेसेडर म्हणून करारबद्ध करण्यात आले आहे.