TOP 10 NEWS : चित्रपटांच्या प्राईम टाइम वादापासून अनुष्काच्या गृहप्रवेशापर्यंत

मराठी चित्रपटांना डावलणाऱ्या चित्रपटगृहांवर सरकार कारवाई का करत नाही, असा सवाल ज्येष्ठ अभिनेते नाना पाटेकर यांनी विचारला आहे. येत्या २२ तारखेला अभिनेता सलमान खानचा ‘टायगर जिंदा है’ हा चित्रपट प्रदर्शित होणार असून त्याच दिवशी मराठीतही ‘देवा’ आणि ‘गच्ची’ हे दोन्ही चित्रपट प्रदर्शित होणार आहेत. पण, या दोन्ही चित्रपटांना सलमानच्या चित्रपटाच्या तुलनेत मिळणाऱ्या प्राइम टाइम शोची संख्या कमी असल्यामुळे हा वाद निर्माण झाला आहे. यामध्ये राजकीय संघटनांनी उडी घेतल्याने वातावरण तापायला सुरूवात झाली आहे. या पार्श्वभूमीवर नाना पाटेकर यांनी ट्विट करून आपले मत व्यक्त केले.