जान्हवी श्रीदेवीच्या पावलांवर पाऊल ठेवणार नाही- बोनी कपूर

‘जान्हवी स्वत:ची एक वेगळी ओळख निर्माण करू पाहत आहे. अभिनेत्री म्हणून श्रीदेवीची एक अनोखी छाप आहे. त्यामुळे जान्हवी तिचे अनुकरण का करणार? या क्षेत्रात टिकायचे असल्यास तिला तिच्या अभिनयाची स्वतंत्र ओळखच निर्माण करावी लागेल. ती अत्यंत मेहनती आणि हुशार मुलगी आहे, त्यामुळे तिचे स्थान ती निर्माण करेल असा माझा विश्वास आहे,’ असे ते म्हणाले.

https://www.instagram.com/p/BbvpO6LBdGP/

https://www.instagram.com/p/BXCD8q_BxXE/

जान्हवीला निर्माता- दिग्दर्शक करण जोहर लाँच करत असून शशांक खैतान दिग्दर्शित ‘धडक’मध्ये ती झळकणार आहे. यामध्ये इशान खत्तरही मुख्य भूमिका साकारत आहे. चित्रपटाचे बरेच पोस्टर्स आतापर्यंत प्रदर्शित झाले असून प्रेक्षकांचा चांगला प्रतिसाद मिळाला आहे. ‘सैराट’च्या आर्ची आणि परशाची जोडी तुफान गाजली होती. आता जान्हवी आणि इशान तीच जादू प्रेक्षकांवर करू शकतील का, हे पाहणे औत्सुक्याचे ठरेल.