अनिल-माधुरी जोडीची आजही प्रेक्षकांना भुरळ, ‘हे’ आहेत टॉप ५ चित्रपट

१. किशन कन्हैया –
माधुरी आणि अनिल यांची प्रमुख भूमिका असलेला किशन कन्हैया हा चित्रपट १९९० मध्ये प्रदर्शित झाला. दिलीप कुमारच्या राम और श्यामची पुनरावृत्ती असलेल्या किशन कन्हैयामध्ये अनिल कपूर दुहेरी भूमिकेत असून माधुरी दीक्षित, शिल्पा शिरोडकर व अमरीश पुरी यांच्या प्रमुख भूमिका आहेत. या चित्रपटाच्या दिग्दर्शनाची आणि निर्मितीची जबाबदारी राकेश रोशन यांनी पार पाडली होती.

२. बेटा –
इंद्र कुमार दिग्दर्शित बेटा हा चित्रपट १९९२ मध्ये प्रदर्शित झाला होता. या चित्रपटाने त्याकाळी बॉक्स ऑफिसवर तुफान कमाई केली होती. लोकप्रियतेसोबतच या चित्रपटाने अनेक पुरस्कारही मिळविले. या चित्रपटात अनिल आणि माधुरी मुख्य भूमिकेत असून दिवंगत मराठी अभिनेता लक्ष्मीकांत बेर्डेदेखील मुख्य भूमिकेत झळकला होता.

३. राम लखन –
दोन भावांच्या नात्यावर आधारित हा चित्रपट असून सुभाष घई यांनी या चित्रपटाची निर्मिती केली आहे. १९८९मध्ये प्रदर्शित झालेल्या या चित्रपटामध्ये अभिनेता जॅकी श्रॉफ हा अनिल कपूरच्या थोरल्या भावाच्या भूमिकेत झळकला आहे.

४. तेजाब-
१९८८ मध्ये प्रदर्शित झालेल्या या चित्रपटाने चार फिल्मफेअर पुरस्कार पटकावले आहेत. या चित्रपटातील एक दोन तीन हे गाणं तुफान लोकप्रिय झालं होतं. आजही हे गाणं तितकंच लोकप्रिय आहे. या गाण्यामुळे माधुरीच्या यशाचा आलेख उंचावण्यास सुरुवात झाली होती.

५. परिंदा –
नाना पाटेकर, जॅकी श्रॉफ, अनिल कपूर आणि माधुरी दीक्षित यांची मुख्य भूमिका असलेला हा चित्रपट विधू विनोद चोप्रा यांनी दिग्दर्शित केला आहे. हा चित्रपट १९८९मध्ये प्रदर्शित झाला होता.