‘एक होतं पाणी’ चित्रपटला विशेष ज्युरी पुरस्कार

‘न्यू टॅलेंट सर्च मुव्हीज’ व ‘काव्या ड्रीम मुव्हीज’ प्रस्तुत ‘एक होतं पाणी’ या चित्रपटानं अलीकडेच अंबरनाथ चित्रपट महोत्सवामध्ये बाजी मारली . एका ज्वलंत सामाजिक विषयाला हात घालणाऱ्या ‘एक होतं पाणी’ मध्ये असून एका दुष्काळग्रस्त गावाची गोष्ट दाखवण्यात आली आहे. पाण्याचे महत्त्व लक्षात घेऊन पाणी वाचवले तर आणि तरच आपली सृष्टी वाचेल असा संदेश यातून देण्यात आला आहे.

या महोत्सवाप्रसंगी उपस्थित साऱ्यांनाच या चित्रपटाने चिंताग्रस्त केलं असून लेखक आशिष निनगुरकर व दिग्दर्शक रोहन सातघरे यांच्या दूरदृष्टीचं सगळ्यांनी खूप कौतुक केले. विजय तिवारी व डॉ. प्रविण भुजबळ निर्मित चित्रपटात हंसराज जगताप, उपेंद्र दाते, अनंत जोग, जयराज नायर, गणेश मयेकर, रणजित जोग, श्रिया मस्तेकर, रणजित कांबळे, त्रिशा पाटील, शीतल कल्हापुरे, शीतल शिंगारे, आनंद वाघ, नाना शिंदे, अनुराधा भावसार, डॉ राजू पाटोदकर, राधाकृष्ण कराळे, दिपज्योती नाईक, बालकलाकार चैत्रा भुजबळ यांसारख्या कलाकारांच्या महत्त्वपूर्ण भूमिका आहेत.

पाणी हे जीवन आहे त्याचा वापर जपून करायला हवा असा मौलिक संदेश देणारा ‘एक होतं पाणी’ चित्रपट लवकरच महाराष्ट्रात सर्वत्र प्रदर्शित होणार आहे.